بۇل تۋرالى اتىراۋ قالالىق پروكۋراتۋراسى ءمالىم ەتتى, دەپ حابارلايدى Egemen.kz
"ستاتيستيكالىق مالىمەتتەرگە سايكەس, كوروناۆيرۋس ينفەكتسياسىنىڭ تارالعان كەزىنەن بەرى قالا اۋماعىندا 5307 ادام ناۋقاستانىپ, ونىڭ 99-ى بۇل ىندەتتەن قايتىس بولعان. شەكتەۋ شارالارى كەزەڭىندە 324 تۇلعا ايىپپۇل جازاسىنا تارتىلدى. تەك وتكەن اپتانىڭ ىشىندە ءتۇرلى ءىس-شارالاردى وتكىزۋمەن بايلانىستى 32 قۇقىق بۇزۋشىلىق انىقتالدى. ونىڭ ىشىندە مەيرامحانالاردا 8 سالتاناتتى شارا, تۇڭگى مەزگىلدە جۇمىس ىستەگەن 13 كافە-بار, باس مەملەكەتتىك سانيتاريالىق دارىگەر تىيىم سالعان 3 نىسان (كينوزال, كومپيۋتەر كلۋبتارى) بار", دەپ حابارلادى اتىراۋ قالالىق پروكۋراتۋراسىنان.
وسىعان وراي پروكۋراتۋرا كوروناۆيرۋس ينفەكتسياسىنىڭ تارالۋىن بولدىرماۋ ءۇشىن بارلىق ازاماتتى شەكتەۋ شارالارىن ساقتاۋعا شاقىرىپ وتىر.
"شەكتەۋلەردى بۇزعان جاعدايدا قىزمەتىن توقتاتۋعا دەيىن اكىمشىلىك جاۋاپتىلىق كوزدەلگەنىن ەسكەرتەدى", دەلىنگەن پروكۋراتۋرا تاراتقان اقپاراتتا.