20-شاعىن اۋداندا ورنالاسقان جەڭىس باعىنا سەرۋەندەپ, دەمالۋعا قالا جۇرتشىلىعى كوپ كەلەتىن. ەندى كۇتىم جوقتىعىنان جەتىم قىزدىڭ كۇيىن كەشىپ تۇر. ونى ءوز يەلىگىنە العان جەكە كاسىپكەردىڭ ءۇيىپ-توككەن ۋادەسى دالادا قالدى. وسى جاعداي سوعىس ارداگەرلەرىن الاڭداتتى, دابىل قاعۋعا ءماجبۇر ەتتى.جۋىردا وبلىس اكىمى سەرىك ءبىلالوۆ قۇرىلىس, ساۋلەت باسقارمالارىنىڭ باسشىلارىن , اعا ۇرپاق وكىلدەرىن جيناپ, وسى ماسەلەگە بايلانىستى جيىن وتكىزدى.
سەرىك سۇلتانعازى ۇلى ەسىل وزەنىنىڭ جاعاسىندا قونىس تەپكەن ساياباقتىڭ كوممۋنالدىق مەنشىككە قايتارىلعانىن, ەندى 12 گەكتار اۋماقتى ۇلى جەڭىس مەرەكەسىنە دەيىن قالپىنا كەلتىرۋ مىندەتى تۇرعانىن جەتكىزدى. وبلىستىڭ باس ءساۋلەتشىسى ۆالەري زاتاي الدا اتقارىلاتىن ءىس-شارالار جوسپارىمەن تانىستىردى. جوبانى قارجىلاندىرۋعا 35 ميلليون تەڭگە جۇمساۋ قاراستىرىلعان. ول ءۇشىن ارنايى قور قۇرىلىپ, ەڭبەك ۇجىمدارى مەن بيزنەس وكىلدەرىن تارتۋ كوزدەلگەن. كومپوزيتسيالىق كەشەن اسكەري-پاتريوتتىق, اتتراكتسيون, سپورت سەكىلدى سەكتورلارعا ءبولىنىپ اباتتاندىرىلادى. بۇل ورايدا ارقايسىسىنىڭ ءوز ەرەكشەلىكتەرىن ساقتاي وتىرىپ جوعارى ەستەتيكالىق تالعاممەن بەزەندىرۋگە بارىنشا ءمان بەرىلەدى. دەسەك تە, باستى يدەيا جاۋمەن ارىستانشا ارپالىسقان سولتۇستىكقازاقستاندىق جاۋىنگەرلەردىڭ وتتى جىلدارداعى ەرەن ەرلىكتەرىن پاش ەتۋگە, ەلدى, جەردى ءسۇيۋ سەكىلدى پاتريوتتىق قاسيەتتەردى جاس بۋىننىڭ بويىنا سىڭىرۋگە توعىستىرىلاتىن بولادى. داڭق اللەياسىنا قىرشىننان قيىلعان بوزداقتاردىڭ شاعىن مۇسىندەرى ورناتىلىپ, اسكەري بلينداج جاسالادى. ءاسكەري قارۋلار قويىلادى. بۇدان تىسقارى قورشاۋلاردى اۋىستىرۋ, جولداردى جوندەپ, ورنەكتاستارمەن اشەكەيلەۋ, قايىقپەن سەرۋەندەۋ ايماعىن جاساۋ ماسەلەلەرى دە ءجىتى ويلاستىرىلعان.
ءومىر ەسقالي, پەتروپاۆل.