وبلىس اكىمىنىڭ وكىمىمەن دەنساۋلىق ساقتاۋ باسقارماسىنىڭ باسشىسى لاۋازىمىنا اسحان بايدۋاليەۆ تاعايىندالدى, دەپ حابارلايدى Egemen.kz.
اسحان مارحاباي ۇلىنىڭ ماماندىعى – دارىگەر-ۋرولوگ, مەديتسينا عىلىمدارىنىڭ كانديداتى. س.اسفەندياروۆ اتىنداعى قازاق ۇلتتىق مەديتسينا ۋنيۆەرسيتەتىن بىتىرگەن. ەڭبەك جولىن اتالعان ۋنيۆەرسيتەتتىڭ ۋرولوگيا جانە جەدەل نەفرولوگيا كافەدراسىندا اسسيستەنت بولىپ باستادى. ءار جىلدارى الماتى وبلىسىنداعى قاراساي اۋداندىق ەمحاناسىنىڭ ديرەكتورى, الماتى وبلىستىق دەنساۋلىق ساقتاۋ باسقارماسىنىڭ, س.اسفەندياروۆ اتىنداعى قازاق ۇلتتىق مەديتسينا ۋنيۆەرسيتەتى قوسىمشا كاسىبي ءبىلىم ورتالىعىنىڭ باسشىسى قىزمەتىن اتقاردى.
سونداي-اق, س.اسفەندياروۆ اتىنداعى قازاق ۇلتتىق مەديتسينا ۋنيۆەرسيتەتى كلينيكالىق جۇمىستار جونىندەگى دەپارتامەنتىنىڭ ديرەكتورى, شىمكەنت قالالىق دەنساۋلىق ساقتاۋ باسقارماسىنىڭ باسشىسى بولىپ جۇمىس ىستەدى.
بۇدان بۇرىن وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى, باسشىنىڭ مىندەتىن اتقارۋشى بولدى.