قاۋىپتى ىندەت قايتا كوبەيدى

وسىعان وراي وبلىس اكىمى ماحامبەت دوسمۇحامبەتوۆ دەن­ساۋ­­لىق ساقتاۋ سالاسىنداعى ور­گان­داردىڭ باسشىلارىمەن كەڭەس وتكىزىپ, كوروناۆيرۋستىڭ ەكىنشى تولقىنىنا قاتىستى ساقتىق شارالارىن كۇشەيتۋدى تاپسىردى. ويت­كەنى سوڭعى كەزدەگى احۋال وسىنداي قادام جاساۋعا سەبەپ بولىپ وتىر. سوندىقتان ايماق باسشىسى بۇعان دەيىنگى تاجىريبەنى ەسكەرىپ, شىلدەدەن بەرى رەيد جۇرگىزەتىن 114 موبيلدىك توپتىڭ جۇمىسىن جانداندىرۋ قاجەتتىگىنە نازار اۋداردى.

– ءبىز ءۇشىن ءار ازاماتتىڭ ساۋ­لى­عى مەن قاۋىپسىزدىگىنىڭ ما­ڭىزى زور. دارىگەرلەردىڭ نۇسقاۋىنا سايكەس, مەديتسينالىق ماس­كا تاعۋعا بەيجاي قاراۋعا بولماي­دى. اراقاشىقتىقتى, باس مەم­لە­كەتتىك سانيتارلىق دارىگەر قول قويعان قاۋلىنىڭ قاعيدا­لا­رىن ساقتاۋ باستى تالاپ ەكەنىن ۇمىت­پاۋ كەرەك. ويتكەنى كوروناۆيرۋس ينفەكتسياسىنىڭ قاۋپى ءالى سەيىلگەن جوق. سول سەبەپتەن بىزگە قازىر بوساڭسيتىن ەمەس, كەرى­سىن­شە قاۋىپسىزدىكتى كۇشەيتەتىن ۋا­قىت كەلدى, – دەدى وبلىس اكىمى م.دوسمۇحامبەتوۆ.

اكىمنىڭ پىكىرىنشە, موبيلدىك توپتار تۇرعىندارعا دا, كاسىپ­كەر­لەرگە دە كوروناۆيرۋس ينفەك­تسياسىنىڭ قاۋپى تۋرالى ءتۇسىندىرۋدى جالعاستىرۋ كەرەك. ال شەكتەۋ تالاپتارىن ورەسكەل بۇزاتىندار بولسا, ءتيىستى جازاعا تارتىلۋى ءتيىس.

– قازىر پاندەميانىڭ ەكىنشى تولقىنىنا دايىندىق كۇشەي­تىل­دى. الايدا تۇرعىندار مەن كا­سىپ­كەرلەر اراسىندا ءوڭىردىڭ باس سا­نيتارلىق دارىگەرى بەكىتكەن قاۋ­لىنىڭ تالاپتارىن بۇزۋ جايتتارى كەزدەسىپ وتىر. قاۋىپتى ۆيرۋس سالعىرتتىقتى كوتەرمەيدى. سوندىقتان ءار تۇرعىن سانيتارلىق تالاپتى تولىق ساقتاعاندا عانا قاۋىپتى ينفەكتسيانىڭ تارالۋىن تولىق توقتاتا الامىز. بۇل – ەلدىڭ قاۋىپتى ىندەتتەن امان شىعۋىنىڭ جالعىز جولى, – دەدى وبلىس اكىمى.

اكىمنىڭ ايتۋىنا قاراعاندا, وڭىردە قۇرىلعان 114 موبيلدىك توپ 5 شىلدە-17 قازان ارالىعىندا 3 315 تەكسەرىس جۇرگىزىپتى. تەكسەرۋ كەزىندە كارانتيندىك شەكتەۋ تالاپتارىن بۇزۋدىڭ 477 دەرەگىن انىقتاپ وتىر.

وڭىردە قاۋىپتى ىندەتتىڭ تارا­لۋى­نىڭ الدىن الۋ ءۇشىن ح.دوس­پا­نوۆا اتىنداعى حالىقارالىق اۋەجايدا شەتەلدەن ۇشىپ كە­لە­تىن جولاۋشىلار جەدەل تەك­سە­رى­لەدى. وبلىستىق تاۋارلار مەن كور­سەتىلەتىن قىزمەتتەردىڭ ساپا­سى مەن قاۋىپسىزدىگىن باقىلاۋ دەپار­تا­مەنتى تاراتقان اقپاراتىنا سۇيەن­سەك, مۇنايلى وڭىرگە شەت مەم­لەكەتتەردەن 19 قازاندا بەس اۋە رەيسى ۇشىپ كەلىپتى. حالىقارالىق اۋە رەيستەرىمەن جەتكەن 523 جولاۋشىنىڭ 64-ىندە پتر-تەست قورىتىندىسى بولماي شىعىپتى. سول سەبەپتەن جولاۋشىلار كاران­تيندىك ستاتسيونارلارعا جاتقى­زىل­دى. الايدا بارلىق جولاۋشىدان الىنعان سىنامانىڭ زەرتتەۋ قورىتىندىسى تەرىس ناتيجە كورسەتتى. قاۋىپتى ينفەكتسيا انىق­تال­ماعاندىقتان, جولاۋشىلار ۇيىنە جىبەرىلدى.

سونداي-اق وڭىرگە يندۋستريا جانە ينفراقۇرىلىمدىق دامۋ مي­نيس­ترلىگى ساتىپ العان 100 جىل­جىمالى دياگنوستيكالىق مەدي­تسي­نالىق زەرتحانانىڭ بەسەۋى جەت­كى­زىلدى. وبلىستىق دەنساۋلىق ساق­تاۋ باسقارماسى باسشىسىنىڭ مىن­دە­تىن ۋاقىتشا اتقارۋشى اسحان بايدۋاليەۆتىڭ ايتۋىنشا, ءموبيلدى دياگنوستيكالىق مەديتسينالىق كەشەن يندەر, يساتاي, قىزىلقوعا ماقات جانە ماحامبەت اۋداندارىنا بەرىلدى. بۇعان دەيىن ءدال وسىنداي جىلجىمالى زەرتحانا جىلىوي جانە قۇرمانعازى اۋداندارىنا جەتكىزىلگەن. وسىلايشا وب­لىس­تىڭ جەتى اۋدانى ءموبيلدى دياگنوستيكالىق مەديتسينالىق كەشەنمەن قامتىلىپ وتىر.

– مەديتسينالىق كەشەن ارقىلى اۋداندارداعى تۇرعىنداردىڭ سوزىلمالى ينفەكتسيالىق ەمەس اۋرۋ­­­­لارىن ەرتە انىقتاۋعا مۇمكىندىك بەرەدى. ەندى تۇرعىنداردىڭ دەن­ساۋ­لىق جاعدايىن كەشەندى تەكسەرۋ ءۇشىن جىلجىمالى دياگنوستيكالىق زەرتتەۋلەردىڭ كەڭ سپەكترىن جۇر­گى­زۋ­گە بولادى. جىلجىمالى كەشەن ارنايى ليفت-پاندۋسپەن جاب­دىقتالعان. وندا مۇمكىندىگى شەك­تەۋ­لى ادامدار ءۇشىن جەكە كىرۋ ەسىگى قاراستىرىلىپ وتىر, – دەدى ا.بايدۋاليەۆ.

ونىڭ ايتۋىنشا, بۇدان بىلاي مەديتسينالىق كەشەندە ءبىر كۇندە 150 ادام تەراپەۆت, كارديولوگ, حيرۋرگ, ەندوكرينولوگ, وتورينولارينگولوگ, وكۋليست, ۋل­ترا­دى­بىستىق زەرتتەۋ جانە رەنت­گەن ماماندارىنىڭ قىزمەتىنە جۇگى­نە الادى. بۇل كەشەننىڭ كومە­گى­مەن 60-تان استام اۋرۋعا دياگنوز قويۋعا مۇمكىندىك بار.

اتىراۋ وبلىسى