قازىرگى جۇقپالى اۋرۋلار ءورشىپ تۇرعان شاقتا بۇل كابينەتتەردىڭ ماڭىزى زور. دەرتتى ەندى عانا جۇقتىرعان ازاماتتاردان ارى قاراي تاراۋىن تەجەۋگە بولادى, دەپ حابارلايدى Egemen.kz جامبىل وبلىسى اكىمىنىڭ ءباسپاسوز قىزمەتىنە سىلتەمە جاساپ.
وبلىستىق دەنساۋلىق ساقتاۋ باسقارماسىنىڭ ءباسپاسوز قىزمەتى كەلتىرگەن مالىمەتتەرگە سايكەس, جامبىل وبلىسىندا ارنايى سۇزگى بولمەلەرىندە كۇنىنە 50-60 ادام تەكسەرۋدەن وتەدى. كوبىندە جوسپارلى ەم شارالارى قابىلدانادى نەمەسە جۇكتى ايەلدەردەن پتر-سىناما الىنادى. بۇدان بولەك, دارىگەرلەر كۇن سايىن جرۆي بەلگىلەرى بار 5-6 ناۋقاستى قارايدى.
العاشقى فيلتر بولمەنى اشۋداعى نەگىزگى ماقسات – جەدەل رەسپيراتورلى ۆيرۋستىق ينفەكتسيانىڭ (جرۆي), ياعني, بەزگەك, جوتەل جانە ت. ب. بەلگىلەرىن انىقتاۋ. سيمپتومدارى بار ناۋقاستاردى جەدەل وقشاۋلاۋ ماڭىزدى. ەكىنشى فيلتر بولمەسى كەلگەن ازاماتتاردى بەلگىلەرى بويىنشا ءبولۋ, جۇكتى ايەلدەر مەن بالالاردى وقشاۋلاۋعا ارنالعان. ناۋقاستاردا كوروناۆيرۋس ينفەكتسياسى بار بولعان جاعدايدا ولاردى بىردەن وقشاۋلاپ, قاجەت بولعاندا امبۋلاتورلىق ەمدەۋ شارالارى قولدانىلادى.
وسى ارقىلى پنەۆمونيا سەكىلدى وكپەنى جاساندى جەلدەتۋدى قاجەت ەتەتىن اۋرۋلاردىڭ ورشىمەۋىن قامتۋ ماقسات ەتىلۋدە.
مۇندا ەمدەلۋشىلەرگە دارىگەر مەد ەكى مەدبيكە قىزمەت كورسەتەدى. اق حالاتتىلار بولەك ەسىكتەن كىرەدى. ارنايى قورعانىش كيىمدەرىن كيىپ بارىپ فيلتر بولمەگە وتەدى. ناۋقاستارعا قىزمەت كورسەتىپ بولعان سوڭ ولار ارنايى كيىمدەرىن شەشىپ, باسقا, تاعى ءبىر بولەك ەسىك ارقىلى شىعىپ تۇرادى.
پاتسيەنتتەردە «كوروناۆيرۋستىق ينفەكتسيانى» انىقتاعان پتر-سىنامالار ناتيجەلەرى ەلەكتروندى مالىمەتتەر بازاسىنا ەنگىزىلەدى. كەيىن ولارمەن بايلانىستا بولعان ازاماتتار ءتىزىمى انىقتالادى. ناۋقاسپەن قارىم-قاتىناستا بولعان ادامدار ارنايى ءموبيلدى بريگادامەن ۇيدەن قارالادى. ولاردان دا پتر-سىنامالار الىنادى. فيلتر بولمەلەردە جۇمىس ىستەيتىن ماماندار قورعانىش قۇرالدار جانە پۋلسوكسيمەترلەرمەن تولىقتاي قامتىلدى. كەلەشەكتە ەمحاناعا كوروناۆيرۋستىق ينفەكتسيانىڭ الدىن الۋدى ماقسات ەتكەن پاتسيەنتتەردى دە سۇرىپتاۋ جوسپارلانىپ وتىر.