بۇگىن, 21 قازاندا "دۇنيەجۇزى قازاقتارى قاۋىمداستىعى" رقب مەن "وتانداستار قورى" كەاق بىرلەسە وتىرىپ, قازاقستان رەسپۋبليكاسى اقپارات جانە قوعامدىق دامۋ مينيسترلىگىنىڭ قولداۋىمەن ونلاين-فورماتتا وزبەكستانداعى قازاقتاردىڭ كىشى قۇرىلتايى ءوتتى, دەپ حابارلايدى Egemen.kz
ءىس-شاراعا اقپارات جانە قوعامدىق دامۋ ءمينيسترى ايدا بالاەۆا, وزبەكستان رەسپۋبليكاسى مينيسترلەر كابينەتى جانىنداعى شەت ەلدەرمەن ۇلتارالىق قاتىناستار جانە دوستىق بايلانىستار كوميتەتىنىڭ ءبولىم باسشىسى فەرۋز بەكوۆ, "دۇنيەجۇزى قازاقتارى قاۋىمداستىعى" رقب توراعاسىنىڭ ءبىرىنشى ورىنباسارى زاۋىتبەك تۇرىسبەكوۆ, وزبەكستانداعى قازاق-مادەني ورتالىعىنىڭ توراعاسى سەرىكباي ۇسەنوۆ, سونداي-اق "وتانداستار قورى" كەاق, قازاقستان مەن وزبەكستاننىڭ قوعامدىق, مادەني بىرلەستىكتەرىنىڭ وكىلدەرى جانە تاعى باسقالارى قاتىستى.
ءىس-شارا بارىسىندا مينيستر ا. بالاەۆا, وزبەكستان رەسپۋبليكاسى قازاقستان ءۇشىن باۋىرلاس ەل ەكەنىن اتاپ ءوتىپ, ءبىزدىڭ ەلدەرىمىزدە تىلدەر مەن ءدىن, مادەنيەت پەن رۋحانيات ءبىر-بىرىمەن بايلانىستى ەكەنىن اتاپ ءوتتى. ەكى مەملەكەت اراسىنداعى بەلسەندى ءوزارا قارىم-قاتىناسى مەن شەتەلدەگى قانداستاردى مەملەكەتتىك قولداۋ شارالارى تۋرالى ايتىپ بەردى
تۇرىسبەكوۆ ءوز سوزىندە ەتنيكالىق قازاقتاردىڭ وزبەكستاندا ءومىر ءسۇرۋىنىڭ تاريحي اسپەكتىسىنە توقتالىپ, ەكى مەملەكەت اراسىنداعى دوستىق قارىم-قاتىناستاردى جانە مادەني-رۋحاني بايلانىستاردى نىعايتۋدى ەرەكشە اتاپ ءوتتى, سونداي-اق وزبەك تاراپىنا شەتەلدەگى قانداستارعا قاتىستى قازاقستاندىق باستامالارعا قولداۋ كورسەتكەنى ءۇشىن العىس ايتتى.
شەتەلدە قازاقتاردىڭ كىشى قۇرىلتايىن وتكىزۋ تاجىريبەسى قازاقستان مەن باسقا ەلدەر اراسىنداعى گۋمانيتارلىق بايلانىستاردى نىعايتۋعا باعىتتالعان, سونداي-اق شەتەلدەگى وتانداستارعا سالت-داستۇرلەردى ساقتاۋعا, قازاق ءتىلىن ۇيرەنۋگە جانە مادەني-گۋمانيتارلىق جوبالاردى ىسكە اسىرۋعا ارنالعان.