وسى جىلدىڭ 9 ايىندا قىزىلوردا وبلىسى پوليتسيا دەپارتامەنتىنىڭ جەدەل باسقارۋ ورتالىعىنىڭ "102" ارناسىنا 30 مىڭنان استام قوڭىراۋ ء تۇسىپ, پوليتسيا قۇزىرىنا جاتاتىن 29 مىڭنان استام حابارلاماعا قىزمەت كورسەتىلدى.
بەينەباقىلاۋ كامەراسىنىڭ كومەگىمەن 81 قىلمىستىڭ بەتى اشىلدى. بەينەباقىلاۋشىلار ازاماتتاردان كەلىپ تۇسكەن حابارلامالاردى قابىلداۋ جانە وڭدەۋ بارىسىندا بارلىق كۇدىكتى ارەكەتتەردى, ادامداردىڭ مىنەز-قۇلقىن جانە بەينەباقىلاۋ كامەراسىنا تۇسكەن كۇماندى ادامداردى جەدەل تەكسەرەدى.
مىسالى, 12 قازاندا تۇنگى كەزەكشىلىككە تۇسكەن بەينەباقىلاۋشى ينسپەكتور كەشكى ۋاقىتتا بەلگىسىز ازاماتتىڭ كوپقاباتتى ۇيلەردىڭ ءبىرىنىڭ الدىندا تۇرعان تەمىر ورىندىقتى ۇرلاپ, "گازەل" اۆتوكولىگىنە تيەپ جاتقاندىعىن بايقايدى.
ينسپەكتور دەرەۋ بايلانىس قۇرالى ارقىلى پاترۋل بەكەتتەرىنە حابارلاما بەرەدى. پوليتسيا قىزمەتكەرلەرى كامەرامەن شولۋ بارىسىندا كۇدىكتى كولىكتىڭ باعىتىن انىقتاپ, توقتاتادى. وسىلايشا, ۇرلىق جاساعان 51 جاستاعى قالا تۇرعىنى ۇستالدى.
قازىرگى تاڭدا مەملەكەتتىك م ۇلىكتى ۇرلاعان قالا تۇرعىنىنا قاتىستى قازاقستان رەسپۋبليكاسى قىلمىستىق كودەكسىنىڭ 188-بابىنىڭ 2-بولىگىمەن (ۇرلىق) سوتقا دەيىنگى تەرگەپ تەكسەرۋ امالدارى باستالىپ, وقيعانىڭ ءمان-جايلارى انىقتالىپ جاتىر.
بۇدان بولەك, بەينەباقىلاۋ ارقىلى كۇدىك تۋدىراتىن ازاماتتار تەكسەرىلىپ, 4 سۋىق قارۋ انىقتالعان.
جىل باسىنان كامەرالار كومەگىمەن بارلىعى 12 مىڭنان استام اكىمشىلىك قۇقىق بۇزۋشىلىق انىقتالىپ, 10 مىڭنان استام جول قوزعالىسى ەرەجەلەرىن بۇزۋ دەرەگى انىقتالدى.