الماتى قالاسىنىڭ باس سانيتارلىق دارىگەرى جانداربەك بەكشين "مەدەۋ" مەن "شىمبۇلاق" كۋرورتىنىڭ كارانتين ۋاقىتىندا قالاي جۇمىس ىستەيتىنىن ايتتى, دەپ حابارلايدى Egemen.kz
"وسى تۋريستىك نىساندارعا كەلسەك, ولاردىڭ وڭ جانە تەرىس تۇستارى بار. اشۋعا تىيىم سالىناتىن سەبەبى – ادام كوپ جينالادى. جاقسى جاعىنا كەلسەك, بۇل جەردە ۋلتراكۇلگىن ساۋلە كوپ. ول البەتتە ۆيرۋستى جويۋعا سەپتىگىن تيگىزەدى", دەدى جانداربەك بەكشين.
سونىمەن قاتار باس سانيتارلىق دارىگەر "شىمبۇلاق" تاۋ شاڭعىسى كۋرورتىن اشۋ تۋرالى ۇسىنىس تۇسپەگەنىن ايتتى. "مەدەۋ" مۇز ايدىنى باسشىلىعىنىڭ ۇسىنىسىن قازىر قالالىق تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى باقىلاۋعا العان.
بۇعان دەيىن الماتىدا كوروناۆيرۋس بويىنشا ەپيدەميالىق احۋال كۇردەلەنىپ كەلە جاتقانى ايتىلعان ەدى. وسىعان وراي ول شەتەلگە بارۋدان ۋاقىتشا باس تارتۋدى ۇسىندى.
سونىمەن قاتار, قالادا پتر تالداۋىنىڭ قۋاتىن تاۋلىگىنە 22 مىڭعا جەتكىزۋ كوزدەلگەن. ودان بولەك الماتىدا قانداي جاعدايدا لوكداۋن ەنگىزىلەتىنى انىقتالدى.