ەلوردادا بالالار مەن جاسوسپىرىمدەر سپورت مەكتەبىندە, مۇمكىندىگى شەكتەۋلى سپورتشىلارعا ارنالعان سپورت مەكتەبىندە پارا-حوككەي سەكتسياسى اشىلدى. بۇل تۋرالى اكىمدىكتىڭ رەسمي سايتى حابارلادى.
"بۇل سپورت تۇرىنەن العاشقى دايىندىقتىڭ ءۇش توبى بار. سپورتشىلاردىڭ جالپى سانى - 15 ادام. ساباقتار "تارلان" مۇز ايدىنىندا وتەدى. سپورتشىلاردى قالانىڭ پارا-حوككەيدەن اعا جاتتىقتىرۋشىسى تيمۋر بەكسەيىتوۆ جاتتىقتىرادى. قازىرگى ۋاقىتتا سەكتسياعا قابىلداۋ جالعاسۋدا", - دەدى نۇر-سۇلتان قالالىق دەنە شىنىقتىرۋ جانە سپورت باسقارماسىنىڭ بۇقارالىق سپورت ءبولىمىنىڭ باسشىسى ءاليا جاقسىلىق.
سەلدج-حوككەي - شايبالى حوككەيدىڭ پاراليمپيالىق نۇسقاسى. سپورت ءتۇرى العاش رەت ليلليحاممەردەگى قىسقى پاراليمپيادا ويىندارىنا 1994 جىلى ەنگىزىلگەن جانە سول ۋاقىتتان بەرى ەڭ تارتىمدى سپورت تۇرلەرىنىڭ بىرىنە اينالدى. بۇل تومەنگى دەنەنىڭ موتور فۋنكتسياسى بۇزىلعان سپورتشىلارعا ارنالعان جوعارى جىلدامدىقتى, فيزيكالىق تۇرعىدان شيرىعۋدى تالاپ ەتەتىن ويىن.
ويىن حالىقارالىق شايبالى حوككەي فەدەراتسياسىنىڭ ەرەجەلەرىنە سايكەس كەيبىر وزگەرتۋلەرمەن وينالادى. كونكيدىڭ ورنىنا حوككەيشىلەر شانامەن جۇرەدى. جابدىق ەكى مۇزدى يتەرۋ جانە مانەۆر جاساۋ ءۇشىن ءبىر جاعىندا ءتىستى مەتالل بەكىتپەسى بار, ال تاياقتىڭ ەكىنشى بولىگى كادىمگى حوككەي تاياعى ءتارىزدى بۇگىلگەن جانە شايبانى سوعۋ ءۇشىن قولدانىلاتىن ەكى شوقپاردى قامتيدى.
ايتا كەتۋ كەرەك, ەلىمىزدە مۇمكىندىگى شەكتەۋلى جاندارعا ارنالعان سۋردوحوككەي كورتى دامىپ كەلەدى. 2015 جىلى العاش رەت سۋردوحوككەيدەن قازاقستان كومانداسى رەسەي فەدەراتسياسىنداعى حالىقارالىق تۋرنيردە ءبىرىنشى ازيا قۇراماسى رەتىندە وينادى.
"پارا-حوككەي كومانداسى 2017 جىلى قر ۇلتتىق پاراليمپيادالىق كوميتەتىنىڭ پرەزيدەنتى قايرات بورانباەۆتىڭ باستاماسىمەن اشىلدى. ونىڭ قولداۋىمەن پارا-حوككەيگە ارنالعان "تارلان" سپورت كەشەنى قۇرىلدى. بۇل ازياداعى پارا-حوككەيگە بەيىمدەلگەن جالعىز عيمارات", - دەدى سۋردوليمپيادالىق شايبالى حوككەي فەدەراتسياسىنىڭ ۆيتسە-پرەزيدەنتى تالعات الپىسوۆ.
پارا-حوككەيگە كەز-كەلگەن ادام قاتىسا الادى. مۇندا جاس شەكتەۋى جوق. مەديتسينالىق كورسەتكىشتەر مەن باسقا دا تالاپتاردى قر ۇلتتىق پاراليمپيادالىق كوميتەتىنىڭ سايتىنان بىلۋگە بولادى.