جۋىردا قىزىلوردا وبلىستىق پوليتسيا دەپارتامەنتىندە لاۋازىمدى قىزمەتكەرلەردىڭ سىبايلاس جەمقورلىققا قاتىسى بار دەگەن كۇدىكپەن ۇستالعاندىعى تۋرالى سىبىس تاراعان ەدى. دەپارتامەنتتىڭ ءباسپاسوز قىزمەتى اۋەلگىدە بۇل حاباردى راستاعان دا, تەرىستەگەن دە جوق. كوپ كەشىكپەي جۇرتتى الاڭداتقان جايدىڭ شىن حابار ەكەندىگى انىقتالدى.
بەسىنشى قازان كۇنى ءىىم وزىندىك قاۋىپسىزدىك دەپارتامەنتى قىزمەتكەرلەرى قىزىلورداعا ارنايى كەلىپ, ۇيىمداستىرىلعان وپەراتسيا بارىسىندا وبلىستىق پوليتسيا دەپارتامەنتى ەسىرتكى قىلمىسىنا قارسى ءىس-قيمىل باسقارماسىنىڭ باستىعى مەن وسى قۇرىلىمنىڭ تاعى ءبىر قىزمەتكەرىن ۇستاعان. جوعارى شەندى قىزمەتكەرلەر الاياقتىق جاسادى دەگەن كۇدىككە ءىلىنىپ وتىر. بۇگىندە ەكەۋى دە ۋاقىتشا ۇستاۋ اباقتىسىنا قاماققا الىنىپ, ولارعا قك-ءنىڭ 190-بابىنىڭ 3-بولىگىمەن سوتقا دەيىنگى تەرگەپ-تەكسەرۋ امالدارى جۇرگىزىلۋدە. كۇدىكتىلەرگە قاتىستى سوڭعى شەشىمدى كىناسىنىڭ دارەجەلەرىن انىقتاي وتىرىپ سوت شىعارادى.
ەل اراسىندا وبلىستىق پوليتسيا دەپارتامەنتى باستىعىنىڭ ورىنباسارى مەن بىرقاتار لاۋازىمدى باسشىلار دا قىزمەتتەرىنەن بوساتىلعانى تۋرالى اڭگىمە تاراعان. بۇل ماسەلە دە انىقتالدى, وبلىستىق پوليتسيا دەپارتامەنتىنىڭ باستىعى بەكتورە سۇلتان ولارعا قاتىستى قىزمەتتىك تەكسەرۋ جۇرگىزىلىپ جاتقانىن حابارلادى.
– دەپارتامەنتتىڭ وزىندىك قاۋىپسىزدىك باسقارماسى قىزمەتتىك ءتارتىپ پەن زاڭدىلىقتى نىعايتۋ, جەكە قۇرام اراسىندا سىبايلاس جەمقورلىققا قارسى ءىس-قيمىل بويىنشا كەشەندى شارالاردى جالعاستىرا بەرەدى. بولعان جاعدايعا بايلانىستى قىزمەتتىك تەرگەۋ جۇرگىزىلۋدە. زاڭبۇزۋشىلىققا قاساقانا بارعاندار قاتاڭ جازاعا تارتىلادى. ولارعا ءبىزدىڭ قاتارىمىزدا ورىن جوق, – دەدى وبلىستىق پوليتسيا دەپارتامەنتىنىڭ باستىعى.
قىزىلوردا