گۇلشارا ابدىقالىقوۆا جاڭا جۇمىس ورىندارىن اشۋدى تاپسىردى

. الدىمەن ايماق باسشىسى تۇرماعامبەت اۋىلدىق وكرۋگىندەگى «تۇرماعامبەت» جشس-ءنىڭ قىرمانىنداعى كۇزگى ەگىن جيناۋ بارىسىن كورىپ, جاڭادان ىسكە قوسىلعان ماكارون تسەحىنىڭ جۇمىسىمەن تانىستى. شارۋاشىلىق بيىل 2375 گەكتار جەرگە كۇرىش, 385 گەكتار جاڭا جوڭىشقا, 896 گەكتەر ەسكى جوڭىشقا ەككەن. شارۋالار كۇرىشتىڭ ءار گەكتارىنان ورتاشا 60 تسەنتنەردەن ءونىم الىپ وتىر.

بيىل شارۋاشىلىق جانىنان ماكاروننىڭ 5 ءتۇرىن وندىرەتىن جاڭا تسەح ىسكە قوسىلدى. تسەحتا ءبىر اۋىسىمدا 700 كەلى ءونىم شىعارادى. وندىرىستە 5 ادام تۇراقتى جۇمىسپەن قامتىلعان. سونىمەن بىرگە قىركۇيەك ايىندا سىم تور شىعاراتىن تاعى ءبىر تسەح جۇمىسىن باستادى.

وبلىس اكىمى داۋىلكول اۋىلدىق وكرۋگىندەگى ء«ساليما انا» بالاباقشاسىنىڭ جۇمىسىمەن دە تانىستى. 2019 جىلى سالىنعان بالاباقشادا 29 بالا تاربيەلەنۋدە. بۇگىندە 88 ورىندىق بالاباقشادا 13 مامان قىزمەت ەتەدى.

ءوڭىر باسشىسى مۇنان كەيىن اقجار اۋىلدىق وكرۋگىنە ات باسىن بۇرىپ, اۋىلدىق كلۋب ۇيىندەگى اۋىل ونىمدەرىنىڭ كورمەسىن كورىپ, تۇرعىندارمەن پىكىرلەسىپ, ەلدىڭ الەۋمەتتىك-ەكونوميكالىق دامۋ كورسەتكىشتەرىن سارالادى. بۇگىندە اقجار اۋىلىندا «جۇمىسپەن قامتۋدىڭ جول كارتاسى» اياسىندا كوشەلەر جوندەلىپ, جارىق شامدار ورناتىلعان. اۋىلدا شاعىن جانە ورتا بيزنەستى دامىتۋعا نيەتتى ازاماتتار قاتارى ارتقان. بيىل 5 ازامات مەملەكەتتىك باعدارلامالار ارقىلى گرانت السا, 10 تۇرعىن «باستاۋ» بيزنەس ورتالىعى ارقىلى ءبىلىمىن جەتىلدىرىپتى. اۋىل حالقى قولونەر بۇيىمدارىن ءوندىرىپ, شاعىن بيزنەس سالاسىن دامىتۋعا ۇلەس قوسىپ وتىر. وبلىس اكىمى اۋىل حالقىنىڭ قىسقا دايىندىق بارىسىن سۇراپ, وتىن قورىمەن قامتۋ ماسەلەسىن رەتتەۋدى تاپسىردى.

مۇنان كەيىن ءوڭىر باسشىسى «جۇمىسپەن قامتۋدىڭ جول كارتاسى» اياسىندا №6 «ايسۇلۋ» بالاباقشاسىنىڭ عيماراتىنا جۇرگىزىلگەن جوندەۋ جۇمىستارىن باقىلادى. 1975 جىلى سالىنعان 50 ورىندىق بالاباقشادا 50 بالا ءتالىم الۋدا.

سونىمەن بىرگە وبلىس اكىمى اۋدانداعى 1200 ورىندىق №250 مەكتەپ-ليتسەيىنە باردى.  

جۇمىس ساپارى سوڭىندا وبلىس اكىمى گۇلشارا ابدىقالىقوۆا اۋدان اكىمى مۇسا قالداربەكوۆكە شاعىن جانە ورتا بيزنەستى ءالى دە دامىتىپ, جەرگىلىكتى ازاماتتاردىڭ كاسىپ اشۋىنا قولداۋ ءبىلدىرۋدى جۇكتەدى. سونداي-اق اۋىل تۇرعىندارىنىڭ ءومىرىن جاقسارتۋعا باعىتتالعان الەۋمەتتىك دامۋ كارتاسى اياسىندا جۇمىس جۇرگىزىپ, جاڭا جۇمىس ورىندارىن اشۋدى تاپسىردى. سونىمەن بىرگە  كورونوۆيرۋس پاندەمياسى كەزىندە ساقتىق شارالارىن قاتاڭ ساقتاۋ قاجەتتىگىن قاپەرگە سالدى.