كەشە پرەمەر-مينيستر كارىم ءماسىموۆ قازاقستاندا ساندىق تەلەراديوحابار تاراتۋدى ەنگىزۋ ماسەلەلەرى جونىندە كەڭەس وتكىزدى, دەپ حابارلادى پرەمەر-ءمينيستردىڭ ءباسپاسوز قىزمەتى.
ساندىق تەلەحابار تاراتۋعا كوشۋ قازاقستان رەسپۋبليكاسىنىڭ 2020 جىلعا دەيىنگى ستراتەگيالىق دامۋ جوسپارىنىڭ شەشۋشى باعىتتارىنىڭ ءبىرى رەتىندە قازىرگى زامانعى اقپاراتتىق-كوممۋنيكاتسيالىق كەڭىستىك قۇرۋ قاجەتتىلىگىنە جانە پرەزيدەنت نۇرسۇلتان نازارباەۆتىڭ تاپسىرماسىنا بايلانىستى جۇزەگە اسىرىلىپ وتىر.
بايلانىس جانە اقپارات مينيسترلىگى جۇرگىزگەن اعىمداعى تەحنيكالىق جانە ەكونوميكالىق ءمۇمكىندىكتەرگە تالداۋ ناتيجەسىندە ەلەۋلى تەحنيكالىق جانە ەكونوميكالىق ارتىقشىلىقتارعا يە حابار تاراتۋدىڭ ۇلتتىق وپەراتورىن قۇرۋ جانە ساندىق جەرۇستى, كابەلدى, سپۋتنيكتىك جانە موبيلدى تاراتۋ ستاندارتتارىن انىقتاۋ جونىنەن بىرقاتار ۇسىنىستار ەنگىزىلدى. سول سياقتى جەرگىلىكتى جەرلەردىڭ جەر بەدەرىن, كليماتتىق جاعدايلارى مەن حالىقتىڭ ورنالاسۋىن ەسكەرە وتىرىپ ساندىق حابار تاراتۋدىڭ جوسپارى دا ازىرلەنەتىن بولادى.
پرەمەر-مينيستر بۇتىندەي العاندا ۇسىنىستى قولدادى جانە ساندىق تەلەديدار ەنگىزۋ, سونداي-اق ونىڭ نورماتيۆتىك-قۇقىقتىق بازاسىن جەتىلدىرۋ جونىنەن بىرقاتار تاپسىرمالار بەردى.