بۇگىنگى تاڭدا نۇر-سۇلتان, الماتى جانە شىمكەنت قالالارىندا مەديتسينالىق مەكەمەلەر وكپەنى جاساندى جەلدەتۋ ء(وجج) اپپاراتتارىمەن تولىق قامتاماسىز ەتىلدى. جالپى العاندا بۇل قالالارعا 402 ءوجج اپپاراتى جەتكىزىلدى.
قىزىلوردا, الماتى, اقتوبە, قوستاناي, پاۆلودار, اقمولا, قاراعاندى وبلىستارىنا 384 اپپارات جونەلتىلدى. جالپى ەلىمىزدىڭ بارلىق وڭىرىنە 1,5 مىڭ ءوجج اپپاراتىن جەتكىزۋ جوسپارلانعان. بۇل جوسپاردى اعىمداعى جىلدىڭ 15 قازانىنا دەيىن ىسكە اسىرۋ كوزدەلىپ وتىر.
قازاقستاندا مەملەكەتتىڭ قاتىسۋىمەن ءوجج اپپاراتتارىن «قازاقستان اسەلسان ينجينيرينگ» جشس (نۇر-سۇلتان ق.) جانە «تىنىس» اق (كوكشەتاۋ ق.) سياقتى 2 كاسىپورىن شىعارادى. اتالعان كاسىپورىندار - "قازاقستان ينجينيرينگ» ۇك» اق ۇلتتىق كومپانياسىنىڭ ەنشىلەس ۇيىمدارى.
كوروناۆيرۋس پاندەمياسىنا بايلانىستى ەلدە قالىپتاسقان ەپيدەميولوگيالىق جاعدايعا وراي وكپەنى جاساندى جەلدەتۋ اپپاراتتارىنىڭ جەتىسپەۋشىلىگىن ەسكەرىپ, «قازاقستان اسەلسان ينجينيرينگ» جشس قىسقا ۋاقىت ىشىندە وكپەنى جاساندى جەلدەتەتىن ستاتسيونارلىق اپپاراتتار ءوندىرىسىن يگەردى.
ال «تىنىس» اق «كوكشەتاۋ-4پ» ءوجج 680 ءموبيلدى اپپاراتىن شىعارادى.
مەديتسينا ماماندارىنىڭ پىكىرىنشە, اپپارات قولدانۋعا ىڭعايلى ءارى سەنىمدى جانە ەلەكتر قۋاتىنا تاۋەلدى ەمەس.
كاسىپورىننىڭ وندىرىستىك قۋاتى ايىنا 500 ءوجج اپپاراتىن شىعارۋعا جەتەدى.
ودان بولەك, «تىنىس» اق ءوجج ءپورتاتيۆتى اپپاراتتارىن, «كوكشەتاۋ 3» مەديتسينالىق بۇيىمداردىڭ ءتۇرلى نومەنكلاتۋراسىن, ونىڭ ىشىندە كوپ رەتتىك بەتپەردەلەردى, مۇگەدەكتەرگە ارنالعان اربالاردى جانە ت. ب. زاتتاردى شىعارىپ جاتىر.
بۇل كاسىپورىنداردىڭ نەگىزگى قىزمەتى قازاقستان رەسپۋبليكاسىنىڭ جانە وزگە دە ەلدەردىڭ قارۋلى كۇشتەرىنىڭ قاجەتتىلىكتەرى ءۇشىن جوعارى تەحنولوگيالىق ونىمدەر شىعارۋعا باعىتتالعان. ال ءوجج ءوندىرىسى مەديتسينالىق مەكەمەلەردىڭ قاجەتتىلىكتەرىن وتەۋگە باعىتتالعان مەملەكەتتىك تاپسىرىس اياسىندا جولعا قويىلدى.
كاسىپورىندار قوسىمشا قاجەتتىلىك تۋىنداعان جاعدايدا مەديتسينالىق تەحنيكا مەن كەز كەلگەن ءونىمدى قاجەت مولشەردە ءوندىرىپ, جەتكىزە الادى.