قر ءىىم اۆاريالىلىق دەڭگەيدى تۇراقتاندىرۋ ماقساتىندا جۇيەلى نەگىزدە جول قاۋىپسىزدىگىن قامتاماسىز ەتۋگە باعىتتالعان ءىس-شارالار كەشەنىن جۇزەگە اسىرادى. ەڭ الدىمەن, جولداردا باقىلاۋ كۇشەيتىلدى. بۇل تۋرالى ورتالىق كوممۋنيكاتسيالار قىزمەتى الاڭىندا وتكەن بريفينگتە قر ءىىم اكىمشىلىك پوليتسيا كوميتەتى توراعاسىنىڭ ورىنباسارى سەرىك ءتۇسىپوۆ مالىمدەدى.
ونىڭ ايتۋىنشا, ەىل باسىنان بەرى پوليتسيا قىزمەتكەرلەرى جول قوزعالىسى ەرەجەلەرىن بۇزۋدىڭ 3 ملن-نان استام دەرەگىن انىقتادى.
"119 مىڭ جاياۋ جۇرگىنشى اكىمشىلىك جاۋاپكەرشىلىككە تارتىلدى, كولىكتى ماس كۇيدە جۇرگىزگەن 13 مىڭ جۇرگىزۋشى ۇستالدى. سوت شەشىمىمەن 15,2 مىڭ جۇرگىزۋشىنى كولىكتى باسقارۋ قۇقىعىنان ايىردى, 12,5 مىڭ ادام اكىمشىلىك قاماۋعا الىندى", - دەدى س.ءتۇسىپوۆ.