"استانانىڭ" جاتتىقتىرۋشىسى پول ەشۋورت ءوزىنىڭ بۇرىنعى جۇمىسى, ياعني كلۋبتىڭ اتقارۋشى ديرەكتور قىزمەتىنە قايتا ورالدى. ەندى ول ەلوردالىق كوماندانىڭ باس باپكەر قىزمەتىن اتقارمايدى. بۇل تۋرالى جۋرناليست ايدىن قوجاحمەت حابارلادى.
"پول ەشۋورت "استانانىڭ" باس باپكەرى قىزمەتىن اتقارمايدى, ول ءوزىنىڭ بۇرىنعى جۇمىسى - كلۋبتىڭ اتقارۋشى ديرەكتورى قىزمەتىنە قايتا ورالدى. بىراق, مەن ونىڭ بۇل قىزمەتتە دە ۇزاق وتىرمايتىندىعىنا سەنەمىن. كلۋب جاڭا جاتتىقتىرۋشى ىزدەپ جاتىر", - دەدى قوجاحمەت حابارلامادا.ايتا كەتەيىك, "استانا" 4-قازان كۇنى پرەمەر-ليگانىڭ 6-تۋرىنىڭ كەيىنگە قالدىرىلعان ماتچىندا "قايراتتان" 0:3 ەسەبىمەن جەڭىلىپ قالدى. الماتىلىقتار بۇل جەڭىستىڭ ارقاسىندا ەدوردالىق كوماندادان سەگىز ۇپايعا وزىپ كەتتى.ەسكە سالايىق, "استانانى" ماۋسىمنىڭ باسىندا چەح مامانى ميحال بيلەك جاتتىقتىردى, ول كوماندا چەمپيوندار ليگاسىنان شىعىپ قالعاننان كەيىن ءوز ورنىن بوساتقان ەدى. سودان سوڭ كلۋبتىڭ اتقارۋشى ديرەكتورى پول ەشۋورت باس جاتتىقتىرۋشىنىڭ مىندەتىن اتقارۋشى بولىپ قىزمەت اتقاردى.