وساكاروۆ اۋدانىنداعى كولحوزنوە اۋىلىندا تۇراتىن سەرگەي ساراتوۆكين دەگەن ازاماتتىڭ بال جيناۋمەن اينالىسىپ جۇرگەنىنە بەس جىلدىڭ ءجۇزى بولىپتى. وسى جىلدار ارالىعىندا مول تاجىريبە جيناقتاعان ومارتاشى بالدىڭ جاڭا تۇرلەرىن ءوندىرۋدى دە دۇرىس جولعا قويا بىلگەن.
جاقىندا سەرگەي بالدىڭ اسا سيرەك كەزدەسەتىن سۇرىبى – بالدىرعان بالىن الدى. ايتا كەتۋ كەرەك, بالدىڭ بۇل ءتۇرى اۋىل شارۋاشىلىعىندا ەليتالىق ءونىم بولىپ سانالادى جانە مامانداردىڭ ايتۋىنشا, ونىڭ ادام اعزاسىنا دەگەن پايداسى دا شاشەتەكتەن كورىنەدى.
– بالدىرعان بالىن الۋ ءۇشىن قولايلى كليمات قاجەت. بيىل بىزدە ءبارى دە ساتىمەن كەلە قالدى: اپتاپ ىستىق تا, كۇننىڭ كۇرت سالقىنداۋى دا بولدى, سودان كەيىن جاۋىن-شاشىن ءجيى جاۋىپ تۇردى. وسىنىڭ ءبارى وسىمدىكتەردىڭ قاۋلاپ وسۋىنە يگى ىقپالىن تيگىزدى. بالدىرعان گۇلدەگەن كەزدە مەنىڭ ارالارىم بارلىعى جەتى فلياگا بال جينادى. بۇل بالدىڭ ءتۇسى قارا بولادى, ەمدىك قاسيەتتەرى اسا جوعارى جانە ءوزى حوش ءيىستى كەلەدى, – دەيدى ومارتاشى.
قازىر سەرگەي ساراتوۆكيننىڭ بالدىرعان بالىنا دەگەن سۇرانىس ارتىپ, كاسىپكەردىڭ تاسى ورگە دومالاپ تۇر. كەلەشەكتە ول كاسىبىنىڭ اياسىن ۇلعايتىپ, وبلىس تۇرعىندارىن باعالى بالمەن كەڭ كولەمدە قامتاماسىز ەتۋدىڭ جولدارىن ويلاستىرىپ ءجۇر.
قاراعاندى وبلىسى,
وساكاروۆ اۋدانى