SpaceX كومپانياسى تاعى دا Starlink وربيتالىق جەلىسىنىڭ 60 سپۋتنيگى بار Falcon 9 قۇرالىن ۇشىرۋدى كەيىنگە قالدىردى, دەپ حابارلايدى Egemen.kz.
ۇشىرۋ اقش-تىڭ شىعىس جاعالاۋىندا كەيپ كاناۆەرالداعى (فلوريدا) عارىش ايلاعىنان 07:51-دە جوسپارلانعان بولاتىن. باستاپقىدا 17 قىركۇيەككە جوسپارلانعان ۇشىرۋ تەحنيكالىق پروبلەمالار مەن اۋا-رايىنىڭ قولايسىزدىعىنا بايلانىستى بىرنەشە رەت كەيىنگە قالدىرىلدى.
Starlink ارقايسىسى شامامەن 227 كگ سالماعى بار 550 كم بيىكتىكتەگى وربيتادا كوپتەگەن قۇرىلعىلاردى ورنالاستىرۋ ارقىلى بۇكىل پلانەتاداعى پايدالانۋشىلارعا جوعارى جىلدامدىقتى ينتەرنەتكە قول جەتىمدىلىكتى قامتاماسىز ەتۋگە ارنالعان. كومپانيانىڭ باعالاۋى بويىنشا, جالپى العاندا 12 مىڭ وسىنداي سپۋتنيكتەردى عارىشقا شىعارۋ جانە ولاردى پايدالانۋعا بەرۋ 10 ميللياردتى قامتيدى.
قازىر وربيتادا 700-دەن استام سپۋتنيك بار. SpaceX نەگىزىن قالاۋشى يلون ماسك بۇرىن ايتىپ وتكەندەي, جەلىنى باستاپقى كەزەڭدە پايدالانۋ ءۇشىن شامامەن 800 جەرسەرىك جەتكىلىكتى بولادى.