بۇل تۋرالى alau.kz قوستاناي وبلىسى پد ءباسپاسوز قىزمەتىنە سىلتەمە جاساپ حابارلادى, دەپ جازادى Egemen.kz.
قوستاناي وبلىسىنىڭ پوليتسيا بولىمىنە 30 قىركۇيەك كۇنى ساعات 18:36-دا التىن-دالا اۋىلىندا سۋ قۇبىرلارىن تارتۋ جۇمىستارى كەزىندە توپىراقتىڭ وپىرىلىپ قۇلاعانى تۋرالى حابارلاما تۇسكەن.
سالدارىنان 16 جاسار ءجاسوسپىرىم توپىراق استىنا كومىلىپ قالعان. كامەلەتكە تولماعان بالا جۇمىسشى بولىپ ىستەگەن.
بۇل فاكت قىلمىستىق كودەكستىڭ 156-بابى 3-بولىگى "ەڭبەكتى قورعاۋ ەرەجەلەرىن بۇزۋ" بويىنشا سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە تىركەلدى. قازىر تەرگەۋ امالدارى جۇرگىزىلىپ جاتىر. سوت-مەديتسينالىق ساراپتاما تاعايىندالدى.