كۋۆەيت ءامىرى شەيح ساباح ءال-احماد ءال-دجابەر اس-ساباح 91 جاسىندا ومىردەن وزدى. ول مەملەكەتتى ون ءتورت جىل باسقاردى. سوڭعى جىلدارى دەنساۋلىعى سىر بەرگەن كورىنەدى. ايماقتاعى قاقتىعىستاردى شەشۋگە قوسقان ۇلەسى ءۇشىن امىرشىگە دەگەن قۇرمەت تە جوعارى بولدى.
ساباح 1929 جىلى قازىرگى كۋۆەيت مەملەكەتىنىڭ قۇرىلۋى كەزىندە ەل مونارحىنىڭ وتباسىندا دۇنيەگە كەلگەن. ول 40 جىل بويى سىرتقى ىستەر ءمينيسترى قىزمەتىن اتقارعان, ال ءامىر اتانعانعا دەيىن پرەمەر-مينيستر بولدى. كۋۆەيت ءامىرشىسىنىڭ ومىردەن وزۋىنا بايلانىستى كوپتەگەن ەلدىڭ كوشباسشىلارى مەن حالىقارالىق ۇيىمداردىڭ جەتەكشىلەرىنەن كوڭىل ايتۋ حاتتارى كەلىپ تۇسكەن. قازاقستان پرەزيدەنتى دە سۋىت حاباردى تەرەڭ كۇيزەلىسپەن قابىلداعانىن جەتكىزدى.
كۋۆەيت مەملەكەتىنىڭ جاڭا ءامىرشىسى بولىپ 86 جاستاعى شەيح ناۋاف ءال-احماد ءال-دجابەر اس-ساباح تاعايىندالدى. ول اعاسى جۇرگىزگەن ساياساتتىڭ ءاردايىم ۇلگى بولىپ قالاتىنىن جەتكىزدى. جالپى بۇل كوشباسشىلىق كەزەڭدە اسا ءىرى ساياسي وزگەرىستەردىڭ بولمايتىنى ايتىلۋدا.