شانحاي ىنتىماقتاستىق ۇيىمىنا مۇشە مەملەكەتتەردىڭ اسكەري وقۋ-جاتتىعۋلارى گەوگرافياسىنىڭ كەڭەيۋىنە بايلانىستى قاتىسۋشىلار قۇرامىنا ءۇندىستان مەن پاكىستان قوسىلاتىن بولادى.
قر پارلامەنتى سەناتى وتىرىسى بارىسىندا «2007 جىلعى 27 ماۋسىمداعى بىرلەسكەن اسكەري وقۋ جاتتىعۋلاردى وتكىزۋ تۋرالى شانحاي ىنتىماقتاستىق ۇيىمىنا مۇشە مەملەكەتتەر اراسىنداعى كەلىسىمگە تولىقتىرۋلار ەنگىزۋ تۋرالى حاتتامانى راتيفيكاتسيالاۋ تۋرالى» زاڭ جوباسىن قولدادى. اتالعان حاتتامانىڭ كۇشىنە ەنۋى ءۇشىن كەلىسىمگە قول قويعان مەملەكەتتەر: قازاقستان, قىتاي, قىرعىزستان, رەسەي, تاجىكستان جانە وزبەكستان مەملەكەتتەرىمەن راتيفيكاتسيالانۋى ءتيىس.
وسىلايشا ءۇندىستان مەن پاكىستان ۇيىمعا مۇشە مەملەكەتتەردىڭ اۋماعىنداعى بىرلەسكەن اسكەري وقۋ-جاتتىعۋلارىنا قاتىسۋ, سونداي-اق ءوز اۋماقتارىندا شىۇ اياسىندا لاڭكەستىككە قارسى بىرلەسكەن اسكەري وقۋ-جاتتىعۋلاردى وتكىزۋ ءۇشىن كەلىسىمگە قوسىلا الادى.
جوعارىدا كورسەتىلگەن كەلىسىم 2007 جىلدىڭ ماۋسىم ايىنان باستاپ قازاقستان, قىتاي, قىرعىزستان, رەسەي, تاجىكستان مەن وزبەكستان مەملەكەتتەرى اراسىندا قولدانىستا ەكەنىن اتاپ وتكەن ءجون. سونىمەن قاتار, وسى ۇيىم شەڭبەرىندە بىرلەسكەن اسكەري وقۋ-جاتتىعۋلار, لاڭكەستىككە قارسى «بەيبىت ميسسيا» وقۋ-جاتتىعۋى وتەدى.