ادىلەت مينيسترلىگى جانە «ۇلتتىق زياتكەرلىك مەنشىك ينستيتۋتى» رمك (KAZPATENT) ۇسىنۋى بويىنشا ەۋرازيالىق پاتەنتتىك ۇيىمنىڭ اكىمشىلىك كەڭەسىنىڭ 36-وتىرىسى شەشىمىمەن زياتكەرلىك مەنشىك سالاسىنىڭ قۇرمەتتى ماراپاتى – «ونەرتاپقىشتىق جانە پاتەنتتىك ىسكە قوسقان ۇلەسى ءۇشىن» ۆ.ي.بليننيكوۆ التىن مەدالىمەن مەديتسينا عىلىمدارىنىڭ دوكتورى, پروفەسسور, رەسەي فەدەراتسياسى عىلىم اكادەمياسىنىڭ جانە قازاقستان رەسپۋبليكاسى ۇلتتىق عىلىم اكادەمياسىنىڭ اكادەميگى, ونەرتاپقىش تورەگەلدى شارمانوۆ جانە تاۋ-كەن جانە مۇناي سالاسىنداعى جەتىستىكتەرىمەن تانىمال Satbayev University ماراپاتتالدى.
سالتاناتتى ماراپاتتاۋ ءراسىمى ەلىمىزدەگى ادىلەت ورگاندارى قىزمەتكەرلەرىنىڭ كۇنىنە وراي وتكىزىلدى. اتالعان ماراپاتتاردى الماتى قالاسىنىڭ ادىلەت دەپارتامەنتىنىڭ باسشىسى اباي اراپ تاپسىردى.
ادىلەت مينيسترلىگى جانە KAZPATENT تورەگەلدى شارمانوۆتى جانە Satbayev University قىزمەتكەرلەرىن لايىقتى ماراپاتتارىمەن قۇتتىقتاي وتىرا, زياتكەرلىك مەنشىك سالاسىنداعى كاسىبي قىزمەتىندە ساتتىلىك تىلەيدى, دەيدى ادىلەت مينيسترلىگىنىڭ ءباسپاسوز قىزمەتى.