الماتىدا “قازاقستاننىڭ ورتالىق ازياداعى بەيبىتشىلىك پەن قاۋىپسىزدىكتى قامتاماسىز ەتۋدەگى ءرولى” اتتى حالىقارالىق عىلىمي-پراكتيكالىق كونفەرەنتسيا ءوز جۇمىسىن اياقتادى. وندا بۇگىنگى تاڭداعى ەڭ باستى ماسەلەلەرگە اينالىپ وتىرعان “ورتالىق ازيا: قاۋىپسىزدىكتىڭ ايماقتىق پارامەترى”, “ورتالىق ازياداعى قاۋىپسىزدىكتى قامتاماسىز ەتۋ” ماسەلەسى كونتەكسىندەگى قازاقستاننىڭ ەقىۇ-عا توراعالىعى” جانە “ورتالىقازيالىق مەملەكەتتەر مۇددەسى مەن ايماقتىق ىنتىماقتاستىقتىڭ بولاشاعى” تۋرالى جان-جاقتى ءسوز بولدى.
مەملەكەت باسشىسىنىڭ “جاڭا ونجىلدىق – جاڭا ەكونوميكالىق ورلەۋ – قازاقستاننىڭ جاڭا مۇمكىندىكتەرى” اتتى بيىلعى جولداۋىندا اتاپ ايتىلعانىنداي, “قازاقستاننىڭ جوعارى حالىقارالىق بەدەلى ءبىزدىڭ ەلىمىزگە ەۋروپاداعى قاۋىپسىزدىك جانە ىنتىماقتاستىق جونىندەگى ۇيىمعا توراعا بولۋعا مۇمكىندىك بەردى”. حالىقارالىق جيىنعا قاتىسۋشى شەتەلدىك جانە وتاندىق ساراپشىلار, عالىمدار, مەملەكەتتىك ورگاندار مەن ەلشىلىك وكىلدەرى قازاقستاننىڭ حالىقارالىق جانە ايماقتىق قاۋىپسىزدىك قۇرىلىمىنداعى باستامالارىن تالقىلاپ, ءوز پىكىرلەرىن ورتاعا سالدى.
جيىندا ءسوز العان عالىمدار الەۋمەتتىك ساياساتتىڭ بەلسەندى ءارى بىلىكتىلىكپەن جۇرگىزىلۋى مىندەتتى تۇردە ورتاق, ورنىقتى كەلىسىمگە جول اشاتىندىعى ءسوزسىز دەپ ەسەپتەيدى.
باقىت بالعارينا.