يندۋستريا جانە ينفراقۇرىلىمدىق دامۋ مينيسترلىگىندە ونەركاسىپ سالاسىن تسيفرلاندىرۋدى تالقىلاۋ اياسىندا ۆيتسە-مينيستر دينارا ششەگلوۆا «تسيفر» كومپانياسىنىڭ باسشىلىعى جانە «يننوۆاتسيالىق تەحنولوگيالار پاركى» دەربەس كلاستەرلىك قورىنىڭ وكىلدەرىمەن كەزدەستى.
كەزدەسۋ بارىسىندا جۇمىس ىستەپ تۇرعان كاسىپورىنداردىڭ نەگىزگى قورلارىن ترانسفورماتسيالاۋ جانە تسيفرلاندىرۋ پەرسپەكتيۆالارىن قوسا العاندا, تەحنولوگيالىق پروگرەسسيۆتى ونەركاسىپكە كوشۋ مۇمكىندىگى تالقىلاندى. «تسيفر» كومپانياسى قازاقستان اۋماعىندا بىرقاتار ماڭىزدى جوبالاردى ىسكە اسىرۋ تۋرالى ايتتى. ءارى رەسەي فەدەراتسياسىندا يندۋستريا 4.0 ورتالىعىن قۇرۋ بويىنشا تاجىريبەسىمەن ءبولىستى. ودان بولەك, تاراپتار ونەركاسىپتى تسيفرلى ترانسفورماتسيالاۋدىڭ جالعىز جولى رەتىندە ادامي كاپيتالدى دامىتۋدىڭ ماڭىزدىلىعىن اتاپ ءوتتى.
قازاقستاندا وتاندىق كاسىپورىندار «تسيفر» كومپانيالار توبىمەن ىنتىماقتاستىق يننوۆاتسيالىق ونىمدەر مەن شەشىمدەردى ينتەگراتسيالاۋ ءۇشىن پلاتفورما قۇرۋعا, سونىمەن بىرگە جەرگىلىكتى كادرلاردىڭ قۇزىرەتتىلىگىن دامىتۋعا مۇمكىندىك بەرەدى.
«تسيفر» كومپانيالار توبى ونەركاسىپتىك جاساندى ينتەللەكت جانە ينتەرنەت زاتتارى نەگىزىندەگى شەشىمدەردى ازىرلەپ, ەنگىزەدى. روبوتتاندىرىلعان ونەركاسىپتىك كولىك يندۋسترياسىن دامىتادى. «تسيفر» كومپانياسىنىڭ ونىمدەرى رەسەي, فينليانديا, ءۇندىستان, فرانتسيا, گەرمانيا, بولگاريا, رۋمىنيا, سينگاپۋر, ماروككو, چيلي, پەرۋ, وار-دىڭ تاۋ-كەن ءوندىرۋ, مۇناي-گاز, حيميا جانە ماشينا جاساۋ سالالارىنىڭ تيىمدىلىگى مەن قاۋىپسىزدىگىن ارتتىرادى. كەزدەسۋ قورىتىندىسى بويىنشا تاراپتار كەلەشەكتە ىنتىماقتاستىقتى نىعايتۋعا دايىن ەكەندىكتەرىن ءبىلدىردى.