ۇلى جەڭىستىڭ 65 جىلدىعى قارساڭىندا ورال قالاسىندا ەرلىك يەلەرىنە باعىتتالعان قۇرمەتتىڭ ءبىرى – تاياۋدا قالالىق ونوماستيكالىق كوميسسيانىڭ قورىتىندىسى مەن قالالىق اكىمدىكتىڭ قاۋلىسىنا سايكەس ورال قالاسىندا 38 كوشەنىڭ اتاۋى وزگەرتىلىپ, ونىڭ 32-ءسى اقجايىق اتىرابىنان شىققان كەڭەس وداعىنىڭ باتىرلارى مەن داڭق وردەنىنىڭ تولىق يەگەرلەرىنىڭ ەسىمدەرىن يەلەندى.
وڭىرىمىزدەن شىققان 40 كەڭەس وداعىنىڭ باتىرىنىڭ 14-ىنە وسىعان دەيىن كوشە اتاۋلارى بەرىلگەن ەدى. بۇل جولى دا قالاداعى بىرقاتار كوشە 25 كەڭەس وداعى باتىرىنىڭ, التى داڭق وردەنى يەگەرىنىڭ جانە حالىق قاھارمانى حيۋاز دوسپانوۆانىڭ, گەنەرال-مايور, ازامات سوعىسىنىڭ جانە ۇلى وتان سوعىسىنىڭ ارداگەرى شاكىر جەكسەنباەۆتىڭ ەسىمدەرىن الدى.
تەمىر قۇسايىن, ورال.