يندەر اۋدانىندا تۇراتىن ءتورت جاسار سانجار سارسەنبايدىڭ ارمانى – پوليتسەي بولۋ. قازىر «اينالايىن» بالاباقشاسىنا بارىپ ءجۇر. وسىنداعى «مەن وسكەندە كىم بولامىن؟» جوباسىنا قاتىسادى. جاقىندا اۋداندىق پوليتسيا بولىمىنە ارنايى كيىممەن كەلىپ, بولاشاق ماماندىعىنىڭ قىر-سىرىنا قانىقتى.
– مەن وسكەندە پوليتسيا قىزمەتكەرى بولامىن. ويتكەنى پوليتسەيلەر ءتارتىبى ناشار ادامداردى ۇستاپ الىپ, ءبىزدىڭ تىنىشتىعىمىزدى كۇزەتەدى. بارىنە كومەكتەسەدى. سوندىقتان پوليتسيا بولىمىندە جۇمىس ىستەيتىن اعالارمەن تانىسقىم, ولاردى كورگىم كەلدى, – دەيدى كىشكەنتاي «پوليتسەي» سانجار.
ونىڭ وتباسىندا 3 ۇل, 1 قىز بار. اكەسىنىڭ جەكە كاسىبى بار. ال اناسى – دارىگەر. پوليتسيا بولىمىنە ەرتىپ كەلگەن اعاسىنىڭ ايتۋىنشا, سانجار – ۋادەسىندە تۇراتىن قايسار بالا. ءتارتىپ ساقشىسى بولۋعا قۇلشىنىسى دا زور.
پوليتسيا ءبولىمىنىڭ قىزمەتكەرلەرى سانجاردى قۋانا قارسى الدى. ولار پوليتسيا قىزمەتكەرلەرىنىڭ جۇمىسى, بۇل ماماندىقتىڭ قيىندىعى مەن قاۋىپتى ساتتەرى تۋرالى اڭگىمەلەپ بەردى. كوشەدەگى جول بەلگىلەرىمەن, قوعامدىق ءتارتىپتى ساقتاۋ ماقساتىندا جۇكتەلگەن مىندەتتەرمەن تانىستىردى.
اتىراۋ وبلىسى