3 قىركۇيەكتە "قاراسورا" جەدەل پروفيلاكتيكالىق ءىس-شاراسى كەزىندە قىزىلوردا وبلىسى پوليتسيا دەپارتامەنتى جاڭاقورعان اۋداندىق پوليتسيا ءبولىمىنىڭ قىزمەتكەرلەرى كەلىنتوبە اۋىلىنىڭ باتىس بەتىندەگى قۇمنىڭ اراسىنا ەكى ەسىرتكى القابىن انىقتادى, دەپ حابارلايدى Egemen.kz.
"قاراوي" دەپ اتالاتىن قۇمدى دالاداعى 20 سوتتىق جەردەن 5032 ءتۇپ سورا الىندى.
كۇدىكتى رەتىندە وقيعا باسىندا ءۇش ازامات ۇستالىپ وتىر. ولاردىڭ بىرەۋى الماتى قالاسىنىڭ, قالعاندارى قىزىلوردا وبلىسىنىڭ تۇرعىندارى بولىپ شىقتى.
قازىر كۇدىكتىلەر جاڭاقورعان اپب-ءنىڭ ۋاقىتشا ۇستاۋ اباقتىسىنا قاماققا الىندى. بۇل دەرەك بويىنشا قازاقستان رەسپۋبليكاسىنىڭ قىلمىستىق كودەكسىنىڭ 300-بابى 2-بولىگىنىڭ 3-تارماعىمەن سوتقا دەيىنگى تەرگەپ-تەكسەرۋ امالدارى جۇرگىزىلۋدە.