كەشە “قازاقستان رەسپۋبليكاسىندا اكىمشىلىك ادىلەتىنىڭ قالىپتاسۋ ماسەلەلەرى” تاقىرىبىنا ارنالعان ەكى كۇندىك حالىقارالىق عىلىمي-پراكتيكالىق كونفەرەنتسيا ءوز جۇمىسىن باستادى. اتالعان شاراعا سەناتتىڭ زاڭناما جانە قۇقىقتىق ماسەلەلەر كوميتەتىنىڭ باسشىسى ب.يماشەۆ توراعالىق جاسادى.
گەرمانيانىڭ تەحنيكالىق ىنتىماقتاستىق جونىندەگى قوعامىنىڭ جاردەمىمەن ۇيىمداستىرىلعان تالقىلاۋعا دەپۋتاتتار, كونستيتۋتسيالىق كەڭەس توراعاسى ي.روگوۆ, جوعارعى سوت, حالىقارالىق زاڭ قوعامداستىعىنىڭ, عىلىمي ورتا مەن قوعامدىق ۇيىمداردىڭ وكىلدەرى قاتىستى. وتىرىستى اشا كەلىپ سەنات توراعاسىنىڭ ورىنباسارى م.كوپەەۆ كونفەرەنتسياعا قاتىسۋشىلارعا ەكونوميكانى تابىستى دامىتۋ مەن مەملەكەتتىڭ سىرتقى قاتەرلەردەگى ورنىقتىلىعىن ارتتىرۋ ءۇشىن احۋال قالىپتاستىراتىن قۇقىقتىق ورتا جاساۋداعى پرەزيدەنت ن.نازارباەۆتىڭ جولداۋىندا العا قويىلعان مىندەتتەر اياسىندا وسى ماسەلەنىڭ تالقىلانۋى ماڭىزدى ەكەنىن اتاپ ءوتتى. “ۇلتتىق قۇقىقتاردى جەتىلدىرۋدەگى ماڭىزدى باعىتتاردىڭ ءبىرى اكىمشىلىك رەفورمالاردى ءجۇرگىزۋ, اكىمشىلىك ءىس ءجۇرگىزۋ قۇقىقتارىنىڭ مۇمكىندىكتەرىن كەڭەيتۋ”, – دەدى توراعا ورىنباسارى. ونىڭ ايتۋىنشا, جەكە ادام مەن مەملەكەت اراسىنداعى داۋلاردى سوتپەن شەشۋدىڭ جاڭا ۇلگىسىن قالىپتاستىرۋعا, ادىلەت اكىمشىلىگى سالاسىن رەتتەيتىن نورماتيۆتىك-قۇقىقتىق بازا جاساۋعا اكىمشىلىك قۇقىق بۇزۋشىلىق جانە اكىمشىلىك ءىس جۇرگىزۋ كودەكستەرىنىڭ جوبالارى باعىتتالىپ وتىر.
تالقىلاۋ بارىسىندا ءسوز العان كونستيتۋتسيالىق كەڭەس توراعاسى ي.روگوۆ قازاقستاندا ادىلەت اكىمشىلىگىن قالىپتاستىرۋدىڭ ماڭىزدىلىعىن اتاپ وتە كەلىپ, اكىمشىلىك قۇقىق بۇزۋشىلىق تۋرالى جانە اكىمشىلىك ءىس جۇرگىزۋ كودەكستەرىنىڭ جوبالارىن ازىرلەۋ جانە قاراۋ ءماسەلەلەرى بويىنشا پىكىرسايىستىڭ ماڭىزدىلىعىن, ولاردىڭ قۇقىقتىق ساياسات تۇجىرىمداماسى مەن مەملەكەت باسشىسى جولداۋىندا بەلگىلەنگەن قۇقىق قورعاۋ جۇيەسىن جەتىلدىرۋ باعىتتارىنا سايكەستىگىن اتاپ ءوتتى.
قازاقستانداعى قۇقىقتىق ساياساتتى ىزگىلەندىرۋدەگى مەملەكەتتىك ينستيتۋت رەتىندە ادىلەت اكىمشىلىگىنىڭ رولىنە توقتالا كەلىپ, زاڭناما جانە قۇقىقتىق ساياسات كوميتەتىنىڭ حاتشىسى س.اقىلباي “اكىمشىلىك ءىس ءجۇرگىزۋ كودەكسىن قابىلداۋ اكىمشىلىك ءىس جۇرگىزۋ قۇقىقتارى دامۋىنىڭ شىڭى”, دەدى. اكىمشىلىك زاڭنامانى دامىتۋ سالاسىنداعى الدا تۇرعان مىندەتتەردى ەسكەرە وتىرىپ دەپۋتات اكىمشىلىك ءىس جۇرگىزۋ, اكىمشىلىك قۇقىق بۇزۋشىلىق كودەكستەرى جوبالارىنىڭ, “قازاقستان رەسپۋبليكاسىنىڭ كەيبىر زاڭنامالىق اكتىلەرىنە اكىمشىلىك ءىس جۇرگىزۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى” زاڭنىڭ ەرەجەلەرى بويىنشا تۇجىرىمدامالىق تۇرعىسىنداعى پىكىرسايىستار جونىندە ويلارىمەن ءبولىستى.
كونفەرەنتسيادا ەقىۇ-نىڭ استاناداعى ورتالىعىنىڭ باسشىسى ا.كەلچەۆسكي, برەمەن (گەرمانيا) ۋنيۆەرسيتەتىنىڭ پروفەسسورى ر.كنيپەر, ارمەنيا رەسپۋبليكاسىنىڭ اكىمشىلىك سوتىنىڭ توراعاسى ت.مۋكۋچيان, گرۋزيا جوعارعى سوتىنىڭ اكىمشىلىك ىستەرى پالاتاسىنىڭ سۋدياسى ن.سحيرتلادزە جانە باسقالارى اىجك-ءنىڭ جەكەلەگەن ەرەجەلەرىنە نازار اۋداردى. جانە دە ۇسىنىمداردى ازىرلەۋ ءۇشىن ارنايى ۇيىمداستىرۋ كوميتەتى قۇرىلدى.
اسقار تۇراپباي ۇلى.