بۇگىن وبلىس اكىمىنىڭ وكىمىمەن جانە قازاقستان رەسپۋبليكاسى پرەزيدەنتى اكىمشىلىگى مەن سىرداريا اۋداندىق ءماسليحاتىنىڭ كەلىسىمدەرى بويىنشا سىرداريا اۋدانىنىڭ اكىمى لاۋازىمىنا دۇيسەباەۆ تالعات تۇرسىن ۇلى تاعايىندالدى, دەپ حابارلايدى Egemen.kz
وبلىس اكىمى گۇلشارا ابدىقالىقوۆا اۋدان اكتيۆىنە جاڭا باسشىنى تانىستىرىپ, قىزمەتىنە ساتتىلىك تىلەدى.
تالعات دۇيسەباەۆ 1973 جىلى تۋعان. قىزىلوردا پوليتەحنيكالىق ينستيتۋتىن "بۋحگالتەر-ەكونوميست", قازتۇتىنۋوداعى قاراعاندى ەكونوميكالىق ۋنيۆەرسيتەتىن "زاڭگەر" ماماندىقتارى بويىنشا بىتىرگەن.
ەڭبەك جولىن جالاعاش اۋداندىق جاسوسپىرىمدەر سپورت مەكتەبىندە دەنە شىنىقتىرۋشى رەتىندە باستاعان.
1994-2011 جىلدارى جالاعاش اۋداندىق ءبىلىم ءبولىمىنىڭ ەسەپشىسى, جالاعاش اۋدانى اكىمى اپپاراتىنىڭ ەكونوميكا جانە كاسىپكەرلىكتى قولداۋ سەكتورىنىڭ باس مامانى, وبلىستىق ەكونوميكا جانە بيۋدجەتتىك جوسپارلاۋ باسقارماسىنىڭ ءبولىم باستىعى, اۋىل شارۋاشىلىعى باسقارماسى باستىعىنىڭ ورىنباسارى بولدى.
2011-2017 جىلدارى وبلىستىق اۋىل شارۋاشىلىعى باسقارماسىنىڭ باسشىسى, جالاعاش اۋدانىنىڭ اكىمى قىزمەتىن اتقاردى.
2017 جىلدان باستاپ, وسى كەزگە دەيىن قىزىلوردا وبلىسىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى بولدى.