وبلىس جاستارى باس قوستى

ورال قالاسىندا “ەل ىنتى­ماق­تاستىعى – كەمەل بولاشاقتىڭ ارقاۋى” دەگەن تاقىرىپتا وبلىس جاستارىنىڭ فورۋمى بولدى. جيىندى اشقان وبلىس اكىمىنىڭ ورىنباسارى سەرىك سۇلەيمەن جاستاردىڭ ەلىمىزدىڭ ساياسي ومىرىنە بەلسەنە قاتىسىپ كەلە جاتقانىن, ولاردىڭ مەملەكەتتىك قۇرىلىم­دار­مەن ىنتىماقتاستىعىنىڭ ماڭىزى زور ەكەنىن اتاپ ءوتتى. سان ەتنوس وكىلدەرى تاتۋ-ءتاتتى تۇرىپ جاتقان قازاقستان بۇگىندە ەقىۇ-عا توراعالىق ەتۋدە. فورۋمعا 150-دەي دەلەگات قاتى­سىپ, ءوز پىكىرلەرىن ورتاعا سالدى. اتقارىلعان جۇمىستاردى قورى­تىن­­دىلاپ, الدا تۇرعان مىندەتتەردى بەلگىلەدى. جيىن بارىسىندا ءتۇرلى اتالىمدار بويىنشا ۇزدىك جوبالار انىقتالدى. اتاپ ايتقاندا, “وتان­سۇيگىشتىك جانە تولەرانتتىلىق” تاقى­رىبىندا بوكەي ورداسى اۋدان­دىق “نارىن جاستارى” قوعامدىق بىرلەستىگى توراعاسىنىڭ ورىن­باسارى ايبولات قۇرىمباەۆ پەن ورال قالاسىنداعى №17 ورتا مەكتەپتىڭ 11-سىنىپ وقۋشىسى نارمينا ابدۋراحمانوۆا, “كوش­باسشىلىق” بويىنشا ەڭبەك جانە الەۋمەتتىك قاتىناستار اكادەميا­سىنىڭ ستۋدەنتى ليليا كۋجاەۆا, “مادە­نيەت جانە سالت-ءداستۇر” بويىنشا تەرەكتى اۋدانى نوۆوپاۆ­لوۆ اۋىل­دىق وكرۋگىنىڭ جاستار جەتەكشىسى اسەل جاقاسوۆا, “سالا­مات­تى ءومىر سالتى” بويىنشا باتىس قازاقستان ينجەنەرلىك-تەحنولوگيا­لىق ۋنيۆەر­سيتەتىنىڭ ستۋدەنتى ينديرا اديەۆا­نىڭ جۇمىستارى ۇزدىك دەپ تانىلدى. جەڭىمپازدار ديپلومدارمەن, باعالى سىيلىقتارمەن ماراپات­تالىپ, فورۋم سوڭى وڭىردەگى ەتنو­مادەني ورتالىقتاردىڭ شىعارما­شى­لىق ۇجىمدارى قويعان دوستىق فەستيۆالىنە ۇلاستى. تەمىر قۇسايىن, باتىس قازاقستان وبلىسى