قىزىلوردادا ءبىر ايەل جۇمىسقا ورنالاستىرۋعا ۋادە بەرىپ, ارال اۋدانىنداعى اۋىلدىڭ 4 تۇرعىنىنان 2 ميلليون تەڭگەگە جۋىق اقشا العان, دەپ حابارلايدى Egemen.kz.
وسى دەرەك نەگىزىندە ارال اۋداندىق پوليتسيا ءبولىمىنىڭ قىزمەتكەرلەرى جەدەل-ىزدەستىرۋ شارالارىن جۇرگىزىپ, ناتيجەسىندە قىزىلوردا قالاسىنىڭ 55 تۇرعىنى ۇستالدى. تەرگەۋ بارىسىندا كۇدىكتى كىناسىن تولىعىمەن مويىنداپ, وعان قاتىستى ەشقايدا كەتپەۋ جانە ءوزىن دۇرىس ۇستاۋ تۋرالى قولحات تۇرىندەگى بۇلتارتپاۋ شاراسى قولدانىلدى.
قازىر وسى دەرەك بويىنشا قازاقستان رەسپۋبليكاسى قىلمىستىق كودەكسىنىڭ 190-بابىنىڭ 1-بولىگىمەن قىلمىستىق ءىس قوزعالىپ, سوتقا دەيىنگى تەرگەپ-تەكسەرۋ امالدارى جۇرگىزىلۋدە.