ارالاس جەكپە-جەكتەن 25 قازاندا وتەتىن UFC تۋرنيرىندە قازاقستاندىق سەرگەي موروزوۆ رەسەي سپورتشىسى ومار نۇرماگومەدوۆپەن كۇش سىناسادى, دەپ حابارلايدى Egemen.kz.
24 جاستاعى ومار داعىستاننىڭ تۋماسى. ول ايگىلى حابيب نۇرماگومەدوۆتىڭ ءىنىسى. ايتۋلى ازاماتتىڭ تۋعان اعاسى ۋسمان دا ارالاس جەكپە-جەكتەن ەلەۋلى تابىستارعا قول جەتكىزگەن تانىمال سپورتشى. وماردىڭ ءوزى جاستايىنان مۋاي-تاي جانە جاۋىنگەرلىك سامبومەن شۇعىلدانىپ, بىرقاتار بەلەستەردى باعىندىردى.
2016 جىلدىڭ جەلتوقسان ايىندا وكتاگونداعى ءوزىنىڭ العاشقى ايقاسىن وتكىزىپ, ريشاد حاريسوۆتى "قىلقىندىرىپ" تاستادى. سول كەزدەن بەرى 12 مارتە جەكپە-جەككە شىققان ومار نۇرماگومەدوۆ بارلىعىندا ءوز پايداسىنا شەشتى. سول باسەكەلەردىڭ تەڭ جارتىسىندا ول ايقىن باسىمدىق تانىتتى.
31 جاستاعى سەرگەي موروزوۆ جەكپە-جەك ونەرىنىڭ سان ءتۇرىن مەڭگەرگەن. 2012 جىلدان بەرى جەرلەسىمىز 20 كەزدەسۋ وتكىزىپ, 16 رەت مەرەيى ۇستەم بولدى. 11 باسەكەنى مەرزىمىنەن بۇرىن اياقتادى.