"اقش قارجى ءمينيسترى ستيۆەن منۋچين رەسپۋبليكاشىلدار كەلەسى اپتادا اقش سەناتىندا پاندەميا جاعدايىندا ەل ەكونوميكاسىن ىنتالاندىرۋعا ارنالعان شارالار جيىنتىعى بويىنشا جاڭا ۇسىنىستار ۇسىناتىنىن ايتتى. قارجى ءمينيسترى تۋرالى دۇيسەنبىدە Fox Business تەلەارناسىندا ايتتى", دەپ جازادى Egemen.kz اتالمىش تەلەارنانىڭ تاراتقان دەرەكتەرىنە سىلتەمە جاساپ.
منۋچين دەموكراتيالىق زاڭ شىعارۋشىلار بۇل ماسەلە بويىنشا "جاي عانا ادال كەڭەسۋدى قالامايدى" دەگەن سەنىم ءبىلدىردى.
مينيستر اقش اكىمشىلىگى بۇل تاقىرىپتى اقش سەناتىنداعى رەسپۋبليكاشىل كوپشىلىكتىڭ كوشباسشىسى ميتچ ماككوننەللمەن ۇنەمى تالقىلاپ وتىراتىنىن اتاپ ءوتتى. "ميتچ كەلەسى اپتادا جاڭا زاڭ جوباسىن ۇسىنادى دەپ ۇمىتتەنەمىن", - دەدى ول.
اقش كونگرەسىندە اق ءۇيدىڭ وكىلدەرى مەن دەموكراتتار جاڭا ىنتالاندىرۋ پاكەتى تۋرالى كەلىسىمگە كەلگەن جوق. مامىر ايىندا پالاتانىڭ دەموكراتتارى بۇل ماقسات ءۇشىن 3 تريلليوننان استام قارجىنى ماقۇلدادى, ال سەنات باقىلاۋىنداعى رەسپۋبليكاشىلدار 1 تريلليون دوللارعا ىنتالاندىرۋ پاكەتىن ۇسىندى.
4 ساۋىردە اقش پرەزيدەنتى دونالد ترامپ پاندەميانىڭ سالدارىن جويۋ ءۇشىن ەكونوميكانى 500 ميلليارد دوللارعا جۋىق قولداۋ شارالارىن قولدانۋدى قاراستىراتىن زاڭ جوباسىنا قول قويدى.
بۇعان دەيىن اقش كونگرەسى بۇل ماقساتقا 350 ميلليارد دوللار ءبولۋدى ماقۇلداعان ەدى, بىراق ءساۋىردىڭ ورتاسىنا قاراي قاراجات تاۋسىلدى. الدىڭعى 2 تريلليون دوللاردان استام ىنتالاندىرۋ پاكەتى ناۋرىز ايىنىڭ سوڭىندا قابىلداندى.