شارباقتى اۋدانىنىڭ پوليتسيا ءبولىمىنىڭ قىزمەتكەرلەرى قاراماعىنداعى كوپبالالى وتباسىعا كومەكتەستى, – دەپ حابارلايدى Egemen.kz Polisia.kz سايتىنا سىلتەمە جاساپ.
رەسپۋبليكالىق “مەكتەپكە جول” اكتسياسى اياسىندا شارباقتى اۋدانىنىڭ پوليتسيا ءبولىمىنىڭ قىزمەتكەرلەرى اۋدانداعى كوپ بالالى وتباسىلارىنداعى مەكتەپ وقۋشىلارىنا كومەك كورسەتتى.
ء"داستۇر بويىنشا جاڭا وقۋ جىلى قارساڭىندا ءبىز كوپبالالى وتباسىلارعا كومەك كورسەتەمىز", – دەدى شارباقتى اۋداندىق پوليتسيا ءبولىمىنىڭ باستىعى ەلدوس نۇرعاليەۆ. – بۇگىن ءبىز الەكساندروۆكا اۋىلىندا تۇراتىن گاۆريلوۆتار وتباسىنىڭ جانە نازاروۆكا اۋىلىنان كەلگەن لەۆچەنكولاردىڭ وتباسىندا بولدىق. لەۆچەنكو وتباسىندا توعىز بالا بار, ونىڭ ەكەۋى ءالى مەكتەپ وقۋشىلارى. ءبىز بالالارعا شىن نيەتىمىزبەن كومەكتەسەمىز, بالالاردىڭ قۋانىشى مەن ك ۇلىمدەگەن ءجۇزىن كورۋ وتە ماڭىزدى.ء"بىزدىڭ بالالار وتە ەڭبەكقور, شىعارماشىل, مۋزىكامەن اۋەستەنەدى. ءبىز پوليتسيا قىزمەتكەرلەرىمەن دوسپىز, ولار ءبىزدىڭ وتباسىمىزدا ءجيى قوناقتا بولادى. مەنىڭ بالالارىم ولاردىڭ كەلگەندەرىنە قۋانىشتى, ال بۇگىن سىيلىقتارىمەن, وقۋ قۇرالدارىمەن قۋانتتى. ءبىزدى قورعاۋشى ءتارتىپ ساقشىلارىنا العىسىمدى بىلدىرەمىن. مەن ولارعا دەنساۋلىق جانە قيىن دا جاۋاپتى قىزمەتتەرىنە ساتتىلىك تىلەيمىن. وتباسىلارى امان ساۋ بولسىن, بارلىعىنا باق-بەرەكە, ساتتىلىك تىلەيمىن", - دەپ ەلەنا يۆانوۆنا جىلى لەبىزىن ءبىلدىردى.
ەلدوس مۇداريس ۇلى بالالارمەن جانە ەلەنا يۆانوۆنامەن قوشتاسا وتىرىپ, ستۋدەنتتەرگە وقۋدا ساتتىلىك تىلەدى.