قاراعاندى وبلىسى بويىنشا قىلمىستىق-اتقارۋ جۇيەسى دەپارتامەنتىنىڭ اك-159/20 مەكەمەسىندە جازاسىن وتەپ جاتقاندار الەمدەگى ەڭ ءىرى ءارى مازمۇنعا باي مادەني-تاريحي مۇراجايلاردىڭ بىرىنە ونلاين ەكسكۋرسيا جاسادى.
COVID-19 پاندەمياسىنا بايلانىستى كوپتەگەن مۇراجاي ءوز ەسىكتەرىن ونلاين رەجىمىندە اشا باستادى, وسىلايشا ينتەرنەتكە شىعۋ مۇمكىندىگى بار ادامدارعا وزدەرىنىڭ كورمە زالدارىندا ەكسكۋرسيا جاساۋعا مۇمكىندىك بەردى. قاراعاندى وبلىسى بويىنشا قاجد اك-159/20 مەكەمەسىندە جازاسىن وتەپ جاتقان ازاماتتار الەمدەگى ەڭ تانىمال, كوركەم مادەني-تاريحي مۋزەيلەردىڭ ءبىرى سانالاتىن رەسەي فەدەراتسياسىنىڭ سانكت-پەتەربۋرگ قالاسىندا ورنالاسقان «مەملەكەتتىك ەرميتاجعا» ونلاين رەجىمىندە ەكسكۋرسيا جاسادى.
مۇراجايداعى 365 زالدىڭ جالپى ۇزىندىعى جيىرما بەس شاقىرىمدى قۇرايدى. ەرميتاجدىڭ ءار ەكسپوناتىنا ءبىر مينۋت نازار اۋدارۋ كەرەك بولسا, وندا مۇراجايدى تۇگەل كورىپ شىعۋ ءۇشىن 6 جىل قاجەت بولادى.
ءىس-شارادان كەيىن ونلاين رەجىمىندە ەكسكۋرسيا جاساعان جازاسىن وتەۋشىلەر وزدەرىنىڭ اسەرلەرىمەن ءبولىستى. ولار مۇراجاي وزدەرىنىڭ قىزىعۋشىلىعىن تۋدىرعانىن, سكيف التىن اشەكەيلەرىنەن باستاپ اتاقتى كارل فابەرجەنىڭ جۇمىسىنا دەيىنگى ءارتۇرلى داۋىرلەردەگى بۇيىمدار, سونداي-اق قالپىنا كەلتىرۋ ورتالىعىنىڭ توبەسى مەن اسپالى باق بويىنشا ونلاين سەرۋەن جاقسى اسەر ەتكەنىن ءسوز ەتىستى.
«وسى شارانى ۇيىمداستىرعان اك-159/20 مەكەمەسىنىڭ قىزمەتكەرلەرىنە العىسىمدى بىلدىرگىم كەلەدى. ەكسكۋرسيا ونلاين رەجىمىندە وتسە دە, اسەرى مول بولدى», دەيدى اك-159/20 مەكەمەسىنىڭ سوتتالعان قىزمەتكەرى.
قاراعاندى وبلىسى بويىنشا قاجد تاربيە ءبولىمى باستىعىنىڭ مىندەتىن اتقارۋشى, ادىلەت مايورى ەرلان بەيسەكەەۆ مۇنداي ءىس-شارالار سوتتالعانداردىڭ قوعامدا الەۋمەتتىك بەيىمدەلۋىنە مۇمكىندىك بەرە وتىرىپ, تاربيە پروتسەسىنە وڭ اسەرىن تيگىزەتىنىن جەتكىزدى.