قوستاناي وبلىسى پوليتسيا دەپارتامەنتىنىڭ ءباسپاسوز قىزمەتى جىتىقارا تۇرمەسى باستىعىنىڭ قاماۋعا الىنۋىنا بايلانىستى تۇسىنىك بەردى, دەپ حابارلايدى Egemen.kz قازاقپاراتقا سىلتەمە جاساپ.
"بىرلەسكەن وپەراتسيانى قوستاناي وبلىسى پوليتسيا دەپارتامەنتى مەن ۇقكد قىزمەتكەرلەرى جۇرگىزدى. قوستاناي وبلىسى بويىنشا قىلمىستىق اتقارۋ جۇيەسى دەپارتامەنتىنىڭ ۋك-161/3 توتەنشە قاۋىپسىزدىك مەكەمەسىنىڭ باستىعى سوتتالۋشىعا جالپى قامقورلىعى ءۇشىن پارا العاننان كەيىن ۇستالدى. قازىرگى ۋاقىتتا كۇدىكتىگە قاتىستى قر قك-ءنىڭ 366-بابى 3-بولىگى "پارا الۋ" بويىنشا سوتقا دەيىنگى تەرگەۋ امالدارى جۇرگىزىلۋدە. كۇدىكتى قوستاناي قالاسىنىڭ ۋاقىتشا ۇستاۋ يزولياتورىنا قامالدى", دەلىنگەن پوليتسيا اپپاراتىندا.
قوستاناي وبلىسى پوليتسيا دەپارتامەنتىنىڭ باسقارما باستىعى جانىبەك قامزەنوۆتىڭ ايتۋىنشا, قۇقىق قورعاۋ ورگاندارىندا زاڭبۇزۋشىلىقتاردى انىقتاۋ جانە جولىن كەسۋ بويىنشا جۇمىس تۇراقتى نەگىزدە جۇرگىزىلەدى.
سونداي-اق سىبايلاس جەمقورلىق تاۋەكەلدەرى تالدانادى. جىل باسىنان بەرى ىشكى ىستەر سالاسىنىڭ 21 قىزمەتكەرى جۇمىستان شىعارىلعان. تاعى 23 قىزمەتكەر تارتىپتىك جازاعا تارتىلىپ, لاۋازىمىنان بوساتىلدى.
ايتا كەتەيىك, "قارا بۇركىت" تۇرمەسى جىتىقارا قالاسىنان 30 شاقىرىم جەردە ورنالاسقان. جەكە قۇرامنان بولەك, تۇرمەنى ىشكى اسكەر قىزمەتى كۇزەتەدى.