كورەيا حالىقارالىق ىنتىماقتاستىق اگەنتتىگى (KOICA) قازاقستان رەسپۋبليكاسىنىڭ ۇلتتىق ۆولونتەرلىك جەلىسىمەن بىرگە پاۆلودار قالاسىنىڭ مەكتەپتەرىنە قولداۋ كورسەتتى.
ەلىمىزدە جارتى ميلليونعا جۋىق وقۋشى 1 قىركۇيەك كۇنى مەكتەپ پارتاسىنىڭ الدىنا قايتا وتىرماق. ءبىلىم جانە عىلىم مينيسترلىگىنىڭ مالىمەتى بويىنشا, باستاۋىش مەكتەپتەردە كەزەكشى سىنىپتار اشىلادى. كوروناۆيرۋستىق ينفەكتسيانىڭ پاندەمياسىنىڭ جاعدايىندا بالالاردىڭ قاۋىپسىزدىگىن ساقتاۋ جانە قامتاماسىز ەتۋ ماقساتىندا سانيتارلىق-ەپيدەميولوگيالىق نورمالارىن قاتاڭ ساقتاۋ قاجەت.
25 تامىز كۇنى قازاقستان رەسپۋبليكاسىنداعى كورەيا رەسپۋبليكاسىنىڭ ەلشىلىگىنىڭ عيماراتىندا كورەيا رەسپۋبليكاسى ۇكىمەتىنىڭ قارجىلىق قولداۋىمەن KOICA تۇلەكتەر قاۋىمداستىعىنىڭ تاراپىنان كوروناۆيرۋسپەن كۇرەسۋدە قايتارىمسىز كومەك رەتىندە پاۆلوداردىڭ مەكتەپتەرىنە 416 مولشەرلەگىش قۇرىلعىلار مەن انتيسەپتيكتەردى تاپسىرۋ ءراسىمى ءوتتى. ۇلتتىق ۆولونتەرلىك جەلىسى ديسپەنسەرلەردى نۇر-سۇلتان قالاسىنان پاۆلودارعا تاسىمالداۋعا, سونداي-اق ولاردى مەكتەپتەرگە تاپسىرۋعا جانە ورناتۋعا كومەكتەستى. ءراسىمدى كورەيا رەسپۋبليكاسىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى كۋ حونگ سوك, قاۋىمداستىقتىڭ پرەزيدەنتى سادىقوۆا گۇلدانا جانە ۇلتتىق ۆولونتەرلىك جەلىسىنىڭ توراعاسى ۆەرا كيم جۇرگىەدى.