تۇرىك تاراپىنىڭ باستاماسى بويىنشا قازاقستان پرەزيدەنتى نۇرسۇلتان نازارباەۆ پەن تۇرىك رەسپۋبليكاسىنىڭ پرەزيدەنتى ابدوللا گۇل تەلەفون ارقىلى سويلەستى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.
مەملەكەت باسشىلارى قىرعىزستانداعى جاعدايدى تالقىلاپ, بۇل ەلدە تۇراقتىلىق پەن قۇقىقتىق ءتارتىپتىڭ تەزىرەك قالپىنا كەلەرىنە دەگەن ۇمىتتەرىن ءبىلدىردى.
اڭگىمەلەسۋ بارىسىندا ەكىجاقتى قارىم-قاتىناستاردىڭ بۇگىنگى جاي-كۇيى مەن كەلەشەگى جونىندە ءسوز بولدى. اعىمداعى جىلدىڭ مامىر ايىندا ابدوللا گۇلدىڭ قازاقستانعا جاسايتىن ساپارىنىڭ ماڭىزدىلىعى اتاپ ءوتىلدى. ۆاشينگتوندا وتەتىن يادرولىق قاۋىپسىزدىك جونىندەگى جاھاندىق سامميت شەڭبەرىندە نۇرسۇلتان نازارباەۆتىڭ تۇركيا پرەمەر-ءمينيسترى رەدجەپ ەردوعانمەن كەزدەسۋى جوسپارلانعان.