جاقسىنىڭ جالپاق دالاسى قىزۋ ەڭبەك دۇبىرىنە بولەنگەن. اۋدانداعى ەگىستىك القاپتارداعى ءپىسىپ-جەتىلگەن اقىق ءداندى ورۋعا 700-دەن استام تەحنيكا جۇمىلدىرىلىپ وتىر, - دەپ حابارلايدى Egemen.kz.
وسىنداعى الدىڭعى قاتارلى شارۋا قوجالىقتارىنىڭ ءبىرى – "قاراجون" سەرىكتەستىگى. ەگىستىك القابى 25 مىڭ گەكتار. ءار جىل سايىن قاۋىرت ەڭبەكتەرىنىڭ ناتيجەسىن كورىپ كەلە جاتقان سەرىكتەستىك ديقاندارى 50 مىڭ توننادان استام استىقتى قۇت قامبالارىنا قۇيىپ الاتىن. بيىل دا سول مەجەدەن تابىلۋدى كوكسەپ وتىر.
"شىنىن ايتقاندا, ءدان ءالى ىلعالدى. بيىلعى جىل قولايسىزداۋ بولدى. شىلدەنىڭ اپتاپ ىستىعىندا دالالىق جەردەگى بيداي كۇيىپ كەتتى. ابىروي بولعاندا, اگروتەحنيكالىق شارالاردى تىڭعىلىقتى اتقارىپ ەدىك, سول ەڭبەكتىڭ قايتارىمى بولادى-اۋ دەپ بولجاپ وتىرمىز" , – دەيدى سەرىكتەستىك ديرەكتورى ۇزاقباي شاكيەۆ.
تەحنيكاسى سايلى, مامانى مىقتى سەرىكتەستىك ەگىن وراعىن 25 كۇندە اياقتايمىز دەپ مەجەلەپ وتىر.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.