قىزىلوردا قالاسىنىڭ تۇرعىنى 2019-2020 جىلدارى "كوپقاباتتى ۇيلەردەن پاتەر الىپ بەرەمىن, پايىزسىز نەسيە الۋعا كومەكتەسەم, جۇمىسقا ورنالاستىرا الامىن", دەگەن ءتۇرلى جەلەۋمەن جۇرتتىڭ سەنىمىنە كىرىپ, جالپى سوماسى 2 200 000 تەڭگە كولەمىندە اقشا العان. الاياقتىڭ ارباۋىنا وبلىستىڭ 3 تۇرعىنى ءتۇسىپ ۇلگەرگەن, دەپ حابارلايدى Egemen.kz.
تۇرعىندار ارىزى نەگىزىندە قىزىلوردا وبلىستىق پوليتسيا دەپارتامەنتى قىزمەتكەرلەرى جۇرگىزگەن جەدەل-ىزدەستىرۋ شارالارى ناتيجەسىندە وبلىس ورتالىعىنىڭ 47 جاستاعى تۇرعىنى ۇستالدى. تەرگەۋ بارىسىندا كۇدىكتى ايەل كىناسىن تولىعىمەن مويىندادى.
ونىڭ ءىس-ارەكەتى قازاقستان رەسپۋبليكاسى قىلمىستىق كودەكسىنىڭ 190-بابىنىڭ 3-بولىگىنىڭ 4-تارماعىمەن سارالانىپ, قىلمىستىق ءىس ايىپتاۋ اكتىسىمەن سوتقا جولداندى.
قالالىق سوت ۇكىمى نەگىزىندە ايىپتالۋشىعا 3 جىل مەرزىمگە باس بوستاندىعىنان ايىرۋ جازاسى تاعايىندالىپ, جۇرتقا كەلتىرىلگەن شىعىندى زاڭمەن بەلگىلەنگەن تارتىپپەن وتەۋگە مىندەتتەلدى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.