جاقىندا يادرولىق فيزيكا ينستيتۋتىندا «يادرولىق جانە رادياتسيالىق فيزيكا» دەپ اتالاتىن توعىزىنشى حالىقارالىق كونفەرەنتسيا ءوتتى. كونفەرەنتسيا اياسىندا ازياداعى يادرولىق ارىپتەستىككە بايلانىستى فورۋم FNCA كەڭەسى ءوزىنىڭ جۇمىسىن جۇرگىزدى. جيىنعا وراي قازاقستانعا گەرمانيا, يتاليا, اقش, رەسەي, قىتاي, جاپونيا سياقتى 26 ەلدەن 200 يادروشى عالىمدار مەن ەكولوگ ماماندار قاتىستى. كونفەرەنتسيادا ەكسپو-2017 كورمەسىنىڭ ماڭىزدىلىعى جايلى ۇلتتىق يادرولىق ورتالىقتىڭ باس ديرەكتورى, عالىم ەرلان باتىربەكوۆ بايانداما جاساپ, قازاقستان بويىنشا جىلدام نەيترونداعى ەنەرگيانىڭ دامۋىنا توقتالىپ ءوتتى.
جاقىندا يادرولىق فيزيكا ينستيتۋتىندا «يادرولىق جانە رادياتسيالىق فيزيكا» دەپ اتالاتىن توعىزىنشى حالىقارالىق كونفەرەنتسيا ءوتتى. كونفەرەنتسيا اياسىندا ازياداعى يادرولىق ارىپتەستىككە بايلانىستى فورۋم FNCA كەڭەسى ءوزىنىڭ جۇمىسىن جۇرگىزدى. جيىنعا وراي قازاقستانعا گەرمانيا, يتاليا, اقش, رەسەي, قىتاي, جاپونيا سياقتى 26 ەلدەن 200 يادروشى عالىمدار مەن ەكولوگ ماماندار قاتىستى. كونفەرەنتسيادا ەكسپو-2017 كورمەسىنىڭ ماڭىزدىلىعى جايلى ۇلتتىق يادرولىق ورتالىقتىڭ باس ديرەكتورى, عالىم ەرلان باتىربەكوۆ بايانداما جاساپ, قازاقستان بويىنشا جىلدام نەيترونداعى ەنەرگيانىڭ دامۋىنا توقتالىپ ءوتتى. ەلىمىز توكاماك كتم تەرمويادرولىق رەاكتورى ماسەلەلەرى جونىندە الەمنىڭ وزىق ەلدەرىمەن عىلىمي ارىپتەستىككە قول جەتكىزۋدە. رادياتسيالىق ەكولوگيا پروبلەماسى دا جيىننان تىس قالمادى. ەلباسىنىڭ ۇسىنىسىمەن يادرولىق مەديتسينا دامىپ كەلەدى. ادام دەنساۋلىعىن ەمدەپ, ءومىرىن ۇزارتۋدا عالىمداردىڭ جاڭالىقتارى استانا, الماتى, سەمەي, قاراعاندى, اقتوبە قالالارىنداعى رادياتسيالىق مەديتسينا سالاسىن ىلگەرىلەتۋگە مۇمكىندىك تۋعىزىپ وتىر. سەمەيدەگى ونكولوگيالىق ديسپانسەر ماسەلەن, براحيتەراپيا جانە كت-ستيمۋلياتور اپپاراتتارىمەن ءدال قازىرگى ۋاقىتتا قامتاماسىز ەتىلىپ, 2014 جىلى ماگنيتتى-رەزونانستى توموگراف سياقتى باسقا دا ماڭىزدى جابدىقتارعا قول جەتكىزبەك. بۇلاردىڭ بارلىعى دا يادرولىق رادياتسيالىق فيزيكا مەن مەديتسينانىڭ تىعىز بايلانىستا دامۋى دەپ اتاپ ءوتتى جيىنعا قاتىسقان «نەۆادا-سەمەي» حالىقارالىق انتيادرولىق قوزعالىسىنىڭ ۆيتسە-پرەزيدەنتى سۇلتان كارتوەۆ. سوندىقتان قازاقستانداعى اتوم ەنەرگەتيكاسى سالاسى ەكسپو-2017-ءنى ادام تىرشىلىگىنە اسا قاجەتتى تىڭ جاڭالىقتارىمەن قارسى الۋعا دايىندالۋ ۇستىندە.
راۋشان نۇعىمانبەكوۆا.
سەمەي.