قازاق ءۆالسىنىڭ كورولى ءشامشى قالداياقوۆتىڭ 90 جىلدىعىنا وراي, بۇگىن قوستاناي وبلىسىنىڭ مادەنيەت باسقارماسى ايماق تۇرعىندارىنا بىرنەشە ونلاين-جوبا تارتۋ ەتتى, - دەپ حابارلايدى Egemen.kz.
بۇگىن تۇستە ە.ومىرزاقوۆ اتىنداعى وبلىستىق فيلارمونيا انشىلەرى ءشامشى اندەرىن ورىندادى. ونلاين كونتسەرت الەۋمەتتىك جەلىلەر مەن جەرگىلىكتى تەلەۆيدەنيە ارقىلى ەفيرگە شىقتى.
"مۇنىڭ سىرتىندا ءى.وماروۆ اتىنداعى وبلىستىق قازاق دراما تەاترى كوپشىلىك كورەرمەنگە سازگەردىڭ ءومىرى مەن شىعارماشىلىعىنان سىر شەرتەتىن ء«انىم سەن ەدىڭ» اتتى قويىلىمدى ۇسىنىپ وتىر. تاياۋدا عانا ساحنالانعان تۋىندى الدىن الا بەينەتاسپاعا ءتۇسىرىلىپ, كومپوزيتوردىڭ تۋعان كۇنىنە وراي جەرگىلىكتى تەلەارنا ارقىلى كورەرمەن نازارىنا ۇسىنىلدى, - دەدى مادەنيەت باسقارماسىنىڭ باسشىسى ەرلان قالماقوۆ.
قوستاناي وبلىسى