ەلباسى, “نۇر وتان” پارتياسىنىڭ توراعاسى نۇرسۇلتان نازارباەۆتىڭ كورەيا رەسپۋبليكاسىنا ساپارى قارساڭىندا پارتيا توراعاسىنىڭ ءبىرىنشى ورىنباسارى نۇرلان نىعماتۋلين باستاعان “نۇر وتان” حدپ دەلەگاتسياسىنىڭ وسى ەلگە جۇمىس ساپارى بولدى.
كورەيا رەسپۋبليكاسى قازاقستاننىڭ ەجەلگى ارىپتەسى. قازاقستان كورەيا رەسپۋبليكاسىمەن پارتياارالىق, ساياسي, مادەني-گۋمانيتارلىق جانە ەكونوميكالىق ىنتىماقتاستىقتى دامىتۋدا. قازىردىڭ وزىندە ەلىمىزدە وڭتۇستىك كورەيا كاپيتالىنىڭ قاتىسۋىمەن 300-دەن استام بىرلەسكەن كاسىپورىن جۇمىس ىستەيدى. قازاقستان مۇددەسىن كوزدەيتىن ءوزارا ىنتىماقتاستىق قاتارىندا ەنەرگەتيكا, كولىك, قۇرىلىس, ساۋدا-ەكونوميكالىق جانە عىلىمي-تەحنيكالىق, سونداي-اق بانك سالاسىنداعى جوبالاردىڭ جۇزەگە اسىرىلۋىن ايتۋعا بولادى. كورەيا رەسپۋبليكاسى – اوسشك, باسقا دا ينتەگراتسيالىق قۇرىلىمداردىڭ بەلسەندى قاتىسۋشىسى.
دەلەگاتسيانىڭ جۇمىس ساپارى قازاقستاننىڭ كورەيا رەسپۋبليكاسىنداعى جىلى اياسىندا وتكىزىلىپ جاتقان العاشقى كازاقستان – كورەيا فورۋمىنا قاتىسۋمەن باستالدى. نۇرلان نىعماتۋلين فورۋمدا ءسويلەگەن سوزىندە: “بۇگىنگى كۇنى “نۇر وتان” حالىقتىق-دەموكراتيالىق پارتياسى ءوزىن قازاقستان حالقىنىڭ مۇددەسىن قورعاۋشى جانە دەموكراتيالىق قۇندىلىقتارعا ارقا سۇيەۋشى حالىقتىق بيلىك پارتياسى رەتىندە كورسەتىپ, زاماناۋي قوعامدىق-ساياسي جۇيەدە نىق ورىن الىپ كەلەدى. ورتاق تابىس تىكەلەي قازاقستان ازاماتتارىنىڭ كوپشىلىگىنىڭ ءبىرلەسكەن كۇشىمەن قامتاماسىز ەتىلەدى. وسى كوپشىلىك بۇگىندە ءوزىن كورسەتتى, قازاقستان رەسپۋبليكاسىنىڭ پرەزيدەنتى, پارتيامىزدىڭ توراعاسى نۇرسۇلتان ءابىش ۇلى نازارباەۆتىڭ ساياسي باعىتىنا ءبىرنەشە مارتە ءوز سەنىمدەرىن ءبىلدىرىپ ءارى دالەلدەپ ساياسي ارەناعا شىقتى. وسى باعدارعا سۇيەنىپ, قازاقستان حالقى الەۋمەتتىك تۇراقتىلىقتى, ەتنوسارالىق جانە كونفەسسياارالىق كەلىسىمدى, قوعامىمىزدىڭ تولەرانتتىلىعى جانە قازاقستاننىڭ ءبىرلىگى مەن گۇلدەنۋىن قولدايدى”, – دەدى.
كورەيا رەسپۋبليكاسى سىرتقى ىستەر جانە ساۋدا ءمينيسترىنىڭ ءبىرىنشى ورىنباسارى كاك سۋ شين: “نۇرسۇلتان نازارباەۆتىڭ باسشىلىعىمەن قازاقستان تۇراقتى ەكونوميكالىق دامۋعا قول جەتكىزدى. الەمدىك قارجى داعدارىسىنا قاراماستان, وتكەن جىلى ەكونوميكالىق ءوسىم 1,02 پايىز بولدى. بۇل قازاقستاننىڭ داعدارىستى ەڭسەرىپ كەلە جاتقانىن ايعاقتايدى. قازاقستاننىڭ ەكونوميكالىق تابىستارىمەن قاتار, الەمدىك قوعامداستىق الدىنداعى مارتەبەسى دە جوعارىلاپ كەلەدى. وتكەن 20 جىلدا ازياداعى ءوزارا ءىس-قيمىل جانە سەنىم شارالارى ءجونىندەگى كەڭەستىڭ باسى-قاسىندا ءجۇرگەن قازاقستان ايماقتىق ىنتىماقتاستىقتى تەرەڭدەتۋگە ايرىقشا ۇلەس قوستى. تمد ەلدەرى اراسىندا تۇڭعىش رەت ەۋروپاداعى قاۋىپسىزدىك جانە ىنتىماقتاستىق ۇيىمىنا توراعا بولدى”, – دەدى. وزگە دە ءسويلەگەندەر قازاقستاننىڭ تاتۋلىعى مەن بىرلىگى جاراسقان ەل ەكەنىن, ءتۇرلى ۇلتتار مەن مادەنيەتتەردىڭ باسىن قوسىپ وتىرعان قازاقستاننان ۇلگى الۋ كەرەك ەكەنىن اتاپ كورسەتىپ جاتتى.
“حاننارا” ۇلى ۇلتتىق پارتياسىنىڭ توراعاسىمەن كەزدەسۋىندە نۇرلان نىعماتۋلين قازاقستانداعى بيلىك پارتياسىنىڭ قازىرگى قىزمەتى مەن ونىڭ نەگىزگى باستامالارىنان حاباردار ەتتى. “حاننارا” مەن “نۇر وتان” پارتياسىن تىعىز ىنتىماقتاستىق پەن ارىپتەستىك بايلانىستىراتىنىن ايتتى.
دەلەگاتسيا مۇشەلەرى بىرىككەن كورەيادا 1938 جىلى نەگىزى قالانعان وڭتۇستىك كورەياداعى ەڭ ءىرى ونەركاسىپتىك كونتسەرننىڭ ءبىرى, الەمگە تانىمال Samsung ءElectronىcs كومپانياسىنا باردى. سونداي-اق دەلەگاتسيا مۇشەلەرى كورەيا ۇلتتىق مۇراجايىندا بولدى.
ساپار ناتيجەسىندە “حاننارا” مەن “نۇر وتان” پارتيالارى اراسىنداعى ىنتىماقتاستىق حاتتاماسىنا قول قويىلدى.