بۇل كۇندە ەلىمىزدىڭ بارلىق وڭىرلەرىندەگىدەي قاراعاندى ايماعىنىڭ جۇرتشىلىعى اراسىندا دا «نۇر وتان» پارتياسىنىڭ كەزەكتەن تىس حV سەزىندە العا قويىلعان مىندەت-ماقساتتار كەڭىنەن تالقىلانۋدا. وبلىستىق فيليالى ساياسي كەڭەسىنىڭ كەڭەيتىلگەن ءماجىلىسى سونىڭ ءبىرىنشى شاراسى بولىپ, پارتيا بەلسەندىلەرى باسقوسۋىمەن ءوتتى.
بۇل كۇندە ەلىمىزدىڭ بارلىق وڭىرلەرىندەگىدەي قاراعاندى ايماعىنىڭ جۇرتشىلىعى اراسىندا دا «نۇر وتان» پارتياسىنىڭ كەزەكتەن تىس حV سەزىندە العا قويىلعان مىندەت-ماقساتتار كەڭىنەن تالقىلانۋدا. وبلىستىق فيليالى ساياسي كەڭەسىنىڭ كەڭەيتىلگەن ءماجىلىسى سونىڭ ءبىرىنشى شاراسى بولىپ, پارتيا بەلسەندىلەرى باسقوسۋىمەن ءوتتى.
وندا ونىڭ توراعاسى باۋىرجان ابدىشەۆ «نۇر وتان» پارتياسىنىڭ كەزەكتەن تىس حV سەزىنىڭ قورىتىندىلارى جانە وبلىستىق ۇيىمنىڭ مىندەتتەرى» تاقىرىبىندا بايانداما جاسادى. ايماق باسشىسى ءوز سوزىندە اتاپ وتكەندەي, ءوڭىردىڭ الەۋمەتتىك-ەكونوميكالىق دامۋى قارىشتى قادامىن ساقتاپ كەلەدى. جىل باسىنان ونەركاسىپتىك ءوندىرىس كولەمى 1 ترلن. تەڭگەنى قۇراپ, بىلتىرعى جىلدىڭ سايكەس مەرزىمىمەن سالىستىرعاندا 1 پايىزعا ارتۋى, يندۋستريالاندىرۋ كارتاسى اياسىندا 46 جوبانىڭ ىسكە قوسىلىپ, 3,5 مىڭ جاڭا جۇمىس ورنىنىڭ اشىلۋى سوعان ناقتى مىسال رەتىندە كەلتىرىلدى. باۋىرجان تۇيتە ۇلى, سونداي-اق, ورىن الىپ وتىرعان ولقىلىقتار مەن كەمشىلىكتەردى دە اشىپ ايتىپ, ءتۇيىندى ماسەلەلەردى شەشۋگە تالاپ كۇشەيتىلە تۇسپەكتىگىنە نازار اۋدارتتى. وسى ورايدا وبلىستاعى 516 باستاۋىش پارتيا ۇيىمىنا بىرىككەن 100 مىڭعا جۋىق نۇروتاندىقتىڭ العا قويىلعان بيىك مىندەتتەردى ءىسكە اسىرۋعا, ەلباسىنىڭ پارتيا مۇشەلەرىنە جۇكتەگەن جاۋاپكەرشىلىكتىڭ جوعارى ۇلگىسىن تانىتۋعا بەلسەندىلىكتى بەرىكتىرۋگە ۇندەدى.
جيىندا قازاقستان حالقى اسسامبلەياسىنىڭ مۇشەسى, وبلىستىق «ليتۋانيكا» ليتۆان ەتنومادەني بىرلەستىگىنىڭ توراعاسى ۆيتالي تۆاريوناس, وبلىستىق ماسليحاتتاعى «نۇر وتان» پارتياسى دەپۋتاتتىق فراكتسياسىنىڭ جەتەكشىسى اسقار سارسەكەنوۆ, پارتيا سەزىنىڭ دەلەگاتى بيبىگۇل سەكەربەكوۆا, «جاس وتان» جاستار قاناتىنىڭ مۇشەسى, جايرەم كەن بايىتۋ كومبيناتىنىڭ ەكونوميسى ماكسيم ەنتالتسەۆ ءسوز سويلەپ, پارتيانىڭ جاڭا دوكتريناسى قوعامنىڭ دامۋىنا تىڭ سەرپىن بەرەتىندىگىن اتادى.
ايقىن نەسىپباي,
«ەگەمەن قازاقستان».
قاراعاندى.