كەشە استانادا ەلىمىز دارىگەرلەرى مەن ەمدەلۋشىلەرىنە «Dariger» اتتى العاشقى تەگىن ءموبيلدى قوسىمشانىڭ تانىستىرىلىمى ءوتتى. اتالعان يگى باستاماعا Beeline كومپانياسى قولداۋ ءبىلدىرىپتى.
كەشە استانادا ەلىمىز دارىگەرلەرى مەن ەمدەلۋشىلەرىنە «Dariger» اتتى العاشقى تەگىن ءموبيلدى قوسىمشانىڭ تانىستىرىلىمى ءوتتى. اتالعان يگى باستاماعا Beeline كومپانياسى قولداۋ ءبىلدىرىپتى.
«Dariger» قوسىمشاسىنىڭ ارقاسىندا دارىگەرلەر مىندەتتى اقپاراتقا تەگىن كىرەدى, ال, ەمدەۋ مەكەمەلەرىنىڭ اكىمشىلىگى دياگنوز قويۋ مەن ەمدەۋدىڭ نورماتيۆتىك قۇجاتتارعا سايكەستىگىن باقىلاي الادى. سونداي-اق, ءموبيلدى قوسىمشا ەمدەلۋشىلەردىڭ مەديتسينالىق قىزمەتتەردەن ءاردايىم حاباردار بولۋىنا جول اشىپ وتىر. مۇنداي جوبالاردىڭ اۋماعى ۇلكەن, حالقى ءارتۇرلى تىعىزدىقتا ورنالاسقان, شالعاي جاتقان ەلدى مەكەندەرى كوپ ەلىمىز ءۇشىن ماڭىزى زور, دەيدى دەنساۋلىق ساقتاۋ مينيسترلىگى ەلەكتروندى دەنساۋلىق ساقتاۋ جولدارىن دامىتۋ دەپارتامەنتى ديرەكتورىنىڭ مىندەتىن اتقارۋشى بەيبىت ەسەنباەۆ.
«MedElement» كومپانياسىنىڭ باس ديرەكتورى ۆيتالي ەرمولەنكو بۇل قوسىمشانىڭ دارىگەرلەرگە عانا ەمەس بولاشاق ماماندىق يەلەرى – ستۋدەنتتەرگە دە پايدالى ەكەنىن ايتادى. ونىڭ پايىمداۋىنشا, Beeline ارقىلى كەز كەلگەن ادام ماڭىزدى دا قاجەتتى اقپاراتقا قول جەتكىزە الادى.
ءابدىراحمان قىدىربەك,
«ەگەمەن قازاقستان».