ساۋلەسىن شاشقان ەلىنە
اسپانداعى شىراقسىڭ.
اققان جۇلدىز سەكىلدى,
ويىڭ جۇيرىك پىراقسىڭ.
ادىلدىكتىڭ اق تۋىن
بەرىك ۇستا قولىڭدا.
تالاي تاعدىر توعىسقان,
جاتىر سەنىڭ جولىڭدا.
ارىستانداي ايباتىڭ,
جولبارىستاي قايراتىڭ,
بيلىكتىڭ جەلى كوتەرىپ,
تابانىڭ تاقتان تايماسىن.
جاقسىلىعىڭ كوپ بولىپ,
وسە بەرسىن تالابىڭ.
ەتەنە بوپ ەلىڭمەن
كادەسىنە جاراعىن.
تيگەن جەرىن قياتىن
التىن ءجۇزدى الماسسىڭ.
سۇيەككە بىتكەن تالانتىڭ
ۇرپاعىڭا جالعاسسىن.
قۇرمانعازىنىڭ وركەسترىندە, بەينەلەپ ايتقاندا, ءجۇز ادام وينايدى. ءجۇز ادامنىڭ قولىندا ءجۇز ءتۇرلى اسپاپ بار, داۋىستارى ءبىر-بىرىنە ۇقسامايدى. ال بەلگىلى ءبىر كۇي تارتقاندا ءبىر-اق اسپاپتىڭ داۋىسىنداي شىعادى, جۇرتتىڭ ءبارىنىڭ نازارى ديريجەردىڭ شىبىعىنىڭ ۇشىندا بولادى.
قوعامعا دا ءدال وسىنداي بىرلىك كەرەك, الەمدە دە, ومىردە دە ەگەسىز ءنارسە جوق, بىرلىكتىڭ ەگەسى دە ءوزىڭ. مىقتاپ ۇستا, ەل بىرلىگى نىعايا بەرسىن!
اۋباكىر جاپپاروۆ, ۇلى وتان سوعىسىنىڭ ارداگەرى.
وڭتۇستىك قازاقستان وبلىسى, وتىرار اۋدانى, ءشاۋىلدىر اۋىلى.