قىزىلوردا قالاسىنداعى جاڭا اۋداننىڭ ءبىرى سانالاتىن «بايتەرەك» تۇرعىن اۋدانىندا 600 ورىندىق مەكتەپ سالىنىپ جاتىر. وبلىس اكىمى گۇلشارا ابدىقالىقوۆا وسى قۇرىلىس باسىندا بولىپ, جاڭا ءبىلىم وشاعىنا كىرپىش قالادى. شاراعا قر پارلامەنتى ءماجىلىسىنىڭ دەپۋتاتتارى بالايىم كەسەباەۆا مەن ناتاليا جۇمادىلداەۆا قاتىستى.
وسىدان 4 جىل بۇرىن قىزىلوردا-جەزقازعان تراسساسىنىڭ بويىنان 6600 وتباسىنا ارنالعان «بايتەرەك» شاعىن مولتەك اۋدانى اشىلعان. بۇگىندە بۇل اۋدانعا 70 وتباسى قونىستانسا, ولاردىڭ مەكتەپ جاسىنداعى وقۋشىلارى قالا ورتالىعىنداعى مەكتەپتەرگە قاتىناپ ءبىلىم الۋدا.
مەكتەپ 2020-2021 جىلدارعا ارنالعان جۇمىسپەن قامتۋدىڭ جول كارتاسى اياسىندا ىسكە اسۋدا. ءبىلىم وشاعىن سالۋعا 1,2 ملرد.تەڭگە قارجى بولىنگەن. جاڭا مەكتەپ جىل اياعىنا دەيىن پايدالانۋعا بەرىلمەك.
الداعى 3 جىلدىڭ جوسپارىنا سايكەس «بايتەرەك» شاعىن مولتەك اۋدانىندا مەكتەپ جاسىنداعى وقۋشىلار سانى 1500-گە جۋىق بولادى دەپ جوسپارلانۋدا. جاڭا مەكتەپ ورىن تاپشىلىعى ماسەلەسىن شەشەدى.
ايتا كەتەيىك, قازىر وبلىستا 8 مەكتەپتىڭ قۇرىلىسى جۇرگىزىلۋدە. وقۋ جىلىنا قىزىلوردا قالاسىنان جانە جالاعاش اۋدانىنان 2 مەكتەپ ايدالانۋعا بەرىلەدى دەپ جوسپارلانۋدا. سونىمەن قاتار, 4 مەكتەپتىڭ قۇرىلىسى جۇرگىزىلۋدە. ونىڭ ىشىندە ارال اۋدانى, سەكسەۋىل كەنتىندەگى 300 ورىندىق مەكتەپ جىل سوڭىندا اياقتالماق.