جاقىندا «قازاقستان» ۇلتتىق ارناسى «شەتەلدەگى قازاق بالالارى» اتتى جاڭا جوبانى كورەرمەنگە ۇسىنعان بولاتىن. شىنىن ايتۋ كەرەك, اتامەكەننەن الىستاپ قالعان كىشكەنتاي قاراكوزدەردىڭ كەيىنگى تاعدىرى تۋرالى كوپ نارسە بىزگە بەيمالىم بولىپ كەلدى. قازاقستاننان بالا اسىراپ العان ادامدار كىمدەر, ولار سول سابيلەردىڭ تۋعان اتا-اناسىنداي قامقورلىق تانىتا الىپ ءجۇر مە, شەتەلدەگى جەتىمدەر پروبلەماسى قالاي شەشىلۋدە؟ مىنە, وسى جانە مۇنان دا باسقا كوكەيدەگى كوپ ساۋالعا تىڭ جوبادان جاۋاپ تابىلادى.
جاقىندا «قازاقستان» ۇلتتىق ارناسى «شەتەلدەگى قازاق بالالارى» اتتى جاڭا جوبانى كورەرمەنگە ۇسىنعان بولاتىن. شىنىن ايتۋ كەرەك, اتامەكەننەن الىستاپ قالعان كىشكەنتاي قاراكوزدەردىڭ كەيىنگى تاعدىرى تۋرالى كوپ نارسە بىزگە بەيمالىم بولىپ كەلدى. قازاقستاننان بالا اسىراپ العان ادامدار كىمدەر, ولار سول سابيلەردىڭ تۋعان اتا-اناسىنداي قامقورلىق تانىتا الىپ ءجۇر مە, شەتەلدەگى جەتىمدەر پروبلەماسى قالاي شەشىلۋدە؟ مىنە, وسى جانە مۇنان دا باسقا كوكەيدەگى كوپ ساۋالعا تىڭ جوبادان جاۋاپ تابىلادى.
ۇلتتىق ارنا ءتىلشىسى جانار بايسەمىزوۆا ەۋروپا ەلدەرىندە ارنايى ءىسساپاردا بولىپ, شەتەلدىكتەر اسىراپ العان قازاقتىڭ جەتىم بالالارىنىڭ تاعدىرى مەن تىنىس-تىرشىلىگىن زەرتتەپ-زەردەلەپ قايتقان ەكەن.
1993 جىلدىڭ 10 مامىرىندا گااگادا قابىلدانعان «بالالاردى قورعاۋ جانە شەتەلدىكتەردىڭ بالا اسىراپ الۋىن قولداۋ تۋرالى» كونۆەنتسيا بويىنشا جەتىمدەرىمىزدى ءوز ازاماتتارىمىزعا تاربيەلەۋگە بەرۋ مۇمكىن بولماعان جاعدايلاردا وزگە ەلدىڭ ازاماتتارىنىڭ قامقورلىعىنا بەرۋگە رۇقسات ەتىلگەن ەدى.
وسى زاڭ نەگىزىندە شەتەلدىكتەر قازاقستاننان 8 806 جەتىم بالانى اسىراپ العان ەكەن. ولاردىڭ بۇگىنگى تاڭدا 6 مىڭعا جۋىعى – اقش-تا, 725-ءى يسپانيادا, 426-سى بەلگيادا تۇرادى.
– قازاقستاندا شەتەلدىكتەردىڭ قازاق بالالارىن اسىراپ الۋى ەڭ كوپ تالقىلانعان تاقىرىپتىڭ ءبىرى. قوعام نازارىن اۋدارىپ وتىرعان بۇل ماسەلە التى جىلدان بەرى ويلانىپ جۇرگەن تاقىرىبىم ەدى. بىراق بۇل ويىم تەك «قازاقستان» ۇلتتىق ارناسىنا جۇمىسقا كەلگەن ساتىمدە جۇزەگە استى, – دەيدى بىزبەن اڭگىمەسىندە جانار بايسەمىزوۆا.
«قازاقستان» ۇلتتىق ارناسىنىڭ نەگىزگى ماقساتى – ۇلتتىق مۇرات-مۇددەگە قىزمەت ەتۋ دەسەك, شەتەلدەگى قازاق بالالارىنىڭ ءومىرى مەن وزەكتى ماسەلەسىن ۇدايى نازاردا ۇستاۋ ارقىلى ۇلتتىق ارنا ءوز ۇستانىمىنا بەرىك ەكەنىن تاعى ءبىر مارتە دالەلدەپ وتىر.
«قازاقتىڭ بالالارى تاعدىردىڭ جازۋىمەن قاي ەلدىڭ ازاماتتىعىن العانمەن, ول ءبىزدىڭ قاي كەزدە دە قانداسىمىز بولىپ قالا بەرەدى. شەتەلدەگى ءاربىر قازاق بالاسى ءوزىنىڭ قازاقستان دەيتىن ۇلى وتانى بار ەكەنىن ءبىلىپ ءوسۋى كەرەك», – دەيدى جوباعا قولداۋ كورسەتكەن كورپوراتسيا باسشىلىعى.
نۇرزادا كۇمىسبەك,
ل.ن.گۋميلەۆ اتىنداعى ەۋرازيا
ۇلتتىق ۋنيۆەرسيتەتىنىڭ ستۋدەنتى.