قوستاناي وبلىسىنداعى قالام-قاراسۋ اۋىلىنىڭ اكىمى ايەل ۇرىپ, ونىڭ ءىسى سوتتا قارالدى. بۇل تۋرالى Nur.kz حابارلادى.
جاننا ەرەكينا اۋىل اكىمدىگى عيماراتى الدىندا قۇلاپ جاتقان بيلبوردتى سۋرەتكە تۇسىرەدى. ءدال وسى ساتتە اۋىل اكىمى قاناتباي تۇرماعامبەتوۆ جاننانى كابينەتىنە شاقىرىپ الىپ, «الگى قۇلاعان بيلبوردتى گازەتكە بەرگىڭ كەلدى مە؟» دەپ سۇراقتىڭ استىنا العان ەكەن. ودان كەيىنگى وقيعا اكىمشىلىك ىستە بىلاي جازىلعان: «اۋىل اكىمى ايەلدى تۇنشىقتىرىپ, كەۋدە تۇسىنان بىرنەشە رەت ۇرىپ, تۇكىرىپ جىبەرگەن». ال ساراپشىلار جاساعان قورىتىندىدا ايەلدىڭ ميى شايقالعانى, ءارتۇرلى دەنە جاراقاتىن العانى جازىلىپتى.
جابىرلەنۋشى ج. ەرەكينا كۋاگەرلەردىڭ باستاپقى پىكىرىنەن اينىپ قالعانىن ايتادى. ونىڭ ۇستىنە جانگەلدين اۋداندىق سوتى اۋىل اكىمىنە قاتىستى ءىستى قىسقارتىپ جىبەرگەن.ارادا كوپ ۇزاماي ج. ەرەكينا وبلىستىق سوتقا شاعىم ءتۇسىردى. ءىستى قاراعان سۋديا اۋىل اكىمىن كىنالى دەپ تاۋىپ, ايىپپۇل سالدى.
باقىتبەك كەنەش ۇلى.