قىزىلوردا قالاسىنداعى زك-169/5 مەكەمەسىنىڭ تىيىم سالىنعان ايماق اۋماعىنان تىيىم سالىنعان زاتتى قورشاۋدان لاقتىرۋ بارىسىندا ءبىر ازامات ۇستالدى. مەكەمە قىزمەتكەرلەرى مەكەمە اۋماعىنا تەكسەرۋ جۇمىستارىن جۇرگىزىپ, 20 گرامدىق ششپريتسكە تىعىزدالىپ, سكوتچپەن ورالعان جاسىل ءتۇستى وتكىر ءيىستى كەپتىرىلگەن ءشوپ تابىلدى. قىزىلوردا قپب-نىڭ جەدەل تەرگەۋ توبى شاقىرتىلىپ, تىيىم سالىنعان زات تاركىلەندى, - دەپ حابارلايدى Egemen.kz.
سوت-حيميالىق ساراپتاماسىنىڭ قورىتىندىسىمەن ءشوپتىڭ سالماعى 15 گرامم كەپتىرىلگەن ماريحۋانا ەكەنى انىقتالدى. اتالعان فاكتى بويىنشا سوتقا دەيىنگى تەرگەپ- تەكسەرۋ امالدارى جۇرگىزىلۋدە.
- جازاسىن وتەپ جۇرگەن سوتتالعانداردىڭ تۋعان- تۋىستارى, تانىستارى تىيىم سالىنعان زاتتاردى ءار ءتۇرلى ارەكەتتەرمەن وتكىزبەكشى بولادى. ولار اكىمشىلىك, قىلمىستىق جاۋاپكەرشىلىككە تارتىلاتىندىقتارىن بىلە تۇرا وسىلاي جاسايدى. جىل باسىنان قر اكىمشىلىك قۇقىق بۇزۋشىلىق تۋرالى كودەكسىنىڭ 481 بابىمەن 2 ازاماتقا ايىپپۇل سالىنىپ, 3 ازاماتقا «ەسكەرتۋ» بەرىلسە, 5 ازامات قىلمىستىق جاۋاپكەرشىلىككە تارتىلدى»,- دەدى دەپارتامەنت باستىعىنىڭ مىندەتىن اتقارۋشى, ادىلەت پولكوۆنيگى مۇرات ناكەنوۆ.