كوپبالالى ورمانباەۆتار وتباسى بالقاش اۋدانىنىڭ ورتالىعى – باقاناس اۋىلىندا تۇرادى. اۋلەتتەگى التى بالانىڭ ۇشەۋى مەكتەپتە وقيدى ەكەن. ال بيىلعى وقۋ جىلىنىڭ باستالۋىنا وراي وقۋشىلارعا قاجەتتى قۇرال-جابدىق, كىتاپ, داپتەر الۋ الەۋمەتتىك جاعىنان قورعالماعان اۋلەتكە سالماق بولعالى تۇر. وسىن ەسكەرگەن اۋداننىڭ پوليتسەيلەرى ورمانباەۆتار وتباسىنا قول ۇشىن سوزۋدى ۇيعاردى, - دەپ حابارلايدى egemen.kz.
جالپى, اۋدانداعى كوپبالالى وتباسىلاردى بارلىق جاعىنان قولداۋ جۇمىسى جۇيەلى تۇردە ۇيىمداستىرىلۋدا. اسىرەسە, كارانتين كەزىندە كومەككە مۇقتاج ادامدارعا ازىق-ت ۇلىك سەبەتتەرى مەن مەديتسينالىق كەرەك-جاراق تۇرلەرىن تەگىن جەتكىزىپ بەرۋ جولعا قويىلعان. وسى يگى ىسكە اۋداننىڭ ءتارتىپ ساقشىلارى دا ۇنەمى ۇلەس قوسىپ كەلەدى ەكەن.
"قايىرىم جاساۋ ءۇشىن ۇلكەن جۇرەك پەن جاناشىر نيەت كەرەك قوي. ءبىز دە وسى ىزگى ماقساتقا جۇمىلىپ وتىرمىز. كوپبالالى وتباسىنا كومەك كورسەتۋ تۋرالى باستامانى پوليتسيا باسقارماسىنىڭ جەكە قۇرامى ءبىر اۋىزدان قولدادى. قىزمەتكەرلەر ورمانباەۆتاردىڭ ۇيىنە بارىپ, وتباسىنا مەديتسينالىق بەتپەردە مەن قولعاپتار, ازىق-ت ۇلىك, سونداي-اق ۇيدەگى ءۇش وقۋشىعا جاڭا وقۋ جىلىنا ارناپ بارلىق كەڭسە قۇرالدارىن تابىستادى", - دەيدى بالقاش اۋداندىق پوليتسيا باسقارماسى باسشىسىنىڭ مىندەتىن اتقارۋشى, پودپولكوۆنيگى نۇرگەلدى ابيروۆ.
ايتپاقشى, بالقاشتىق پوليتسەيلەر كارانتين كەزىندەگى سانيتارلىق ەرەجەلەردىڭ ساقتالۋىن قاتاڭ قاداعالاپ ءارى قوعامدىق ءتارتىپتىڭ بۇزىلماۋى ءۇشىن ايانباي ەڭبەك ەتىپ وتىر. مۇنىڭ سىرتىندا تۇرعىندارعا جۇقپالى ىندەتتىڭ قاۋىپ-قاتەرى جايلى ءتۇسىندىرىپ, جولاۋشىلارعا تەگىن بەتپەردە دە تاراتىپ بەرۋدە.
"جۇقپالى ىندەت كەزىندە الەۋمەتتىك جاۋاپكەرشىلىكتىڭ جوعارى بولۋىنا ءبارىمىز ءبىر كىاسىدەي ۇلەس قوسۋىمىز كەرەك. پوليتسەي ءۇشىن ءتارتىپتىڭ ساقتالۋى قانشالىقتى ماڭىزدى بولسا, ادامداردىڭ دەنساۋلىعىنا بەي-جاي قاراماۋى دا سونشالىق جاۋاپتى مىندەتكە اينالدى. بۇل جەردە ءبىز كارانتين ەرەجەسىن بۇزعاندارعا شارا قولداۋدان بولەك, ءار تۇرعىنعا ىندەت قاۋىپى جايىندا ءتۇسىندىرىپ وتىرمىز. ەلدى مەكەن تۇرعىندارىنا تەگىن بەتپەردە تاراتامىز. اۋدان پوليتسەيلەرىنىڭ كۇشىمەن, 1500 دانا مەديتسينالىق ماسكا ساتىپ الىپ, تۇرعىندارعا تابىستادىق", - دەيدى اكىمشىلىك پوليتسيا ءبولىمىنىڭ باستىعى, پودپولكوۆنيك بالبەك لەپەسباەۆ.